کویت اردو نیوز : سائنسدانوں اور وہیل مچھلی کے درمیان 20 منٹ تک گفتگو ہونے کا انوکھا دعوی سامنے آگیا
یہ کسی سائنس فکشن فلم کا منظر لگتا ہے لیکن امریکی سائنسدانوں نے امریکی ریاست الاسکا میں ایک وہیل مچھلی سے 20 منٹ طویل گفتگو کے بعد اس سے بات کرنا ممکن بنادیا ہے۔
میڈیا رپورٹس کے مطابق جنوب مشرقی الاسکا میں ٹوئن نامی 38 سالہ وہیل نے پہلے سے ریکارڈ شدہ ‘ٹیلی فونک کال’ کا جواب دیا اور SETI انسٹی ٹیوٹ اور UC ڈیوس کے محققین سے ‘بات چیت’ کی۔
محققین کی ٹیم کا کہنا تھا کہ یہ پہلا موقع ہے کہ وہیل اور انسانوں نے ایک دوسرے سے اپنی اپنی زبانوں میں بات کی ہے۔ ماہرین کا یہ بھی کہنا ہے کہ یہ مستقبل میں دوسری دنیاوی مخلوقات کے ساتھ بات چیت کرنے کی صلاحیت کے امکانات کو بھی روشن کرتا ہے۔
سائنسدانوں نے ایک خصوصی استقبالیہ کال نشر کی جسے پانی کے اندر whup/throp کہا جاتا ہے، جس کی وجہ سے ایک وہیل کشتی کے قریب پہنچی اور اپنی ہی ایک خوش آمدید کال کے ساتھ جواب دیا۔
