کویت اردو نیوز : امریکی شہری کو پارک میں ملنے والا شیشے کا ٹکڑا 4.87 کیرٹ کا ہیرا نکل آیا۔
غیر ملکی میڈیا کے مطابق آرکنساس کے محکمہ پارکس، ہیریٹیج اینڈ ٹورازم کا کہنا ہے کہ یہ واقعہ امریکی ریاست آرکنساس میں پیش آیا جہاں امریکی شہری ایونز اپنی گرل فرینڈ کے ساتھ پارک میں سیر کے لیے گئے تھے۔ انہوں نے وہاں ایک شفاف اور چمکتا ہوا ٹکڑا پایا ، جس کو ایونز نے شیشے کا ٹکڑا سمجھ کر اٹھا لیا۔
میڈیا رپورٹس کے مطابق شیشے کے ٹکڑے کو چند ہفتوں تک رکھنے کے بعد ایونز اس کے بارے میں متجسس ہوگئے اور ایونز کے بیٹے نے اسے پارک انتظامیہ سے شیئر کرنے کو کہا۔
اس حوالے سے پارک انتظامیہ کا کہنا تھا کہ ایک شہری کی جانب سے کئی ای میلز موصول ہوئی تھیں جن میں کہا گیا تھا کہ اسے پارک میں ایک چمکدار چیز ملی ہے جس کی چھان بین کی گئی تو معلوم ہوا کہ یہ 4.87 قیراط کا اصلی ہیرا ہے۔
پارک انتظامیہ نے کہا کہ وہ بہت زیادہ خوش ہیں کہ ایونز نے انہیں قیمتی ہیرا واپس کر دیا ہے۔
