کویت اردو نیوز 29 اکتوبر: کویت کے بڑے علاقوں میں رہائشی اقاموں کی خلاف ورزی کرنے والوں کے خلاف زبردست کریک ڈاؤن شروع کر دیا گیا ہے۔
تفصیلات کے مطابق پبلک اتھارٹی برائے افرادی قوت نے وزارت داخلہ (رہائشی امور) اور کویت میونسپلٹی کے ساتھ مل کر ملک میں بے ترتیب مہم کا سلسلہ شروع کیا ہے جو خصوصی طور پر لیبر قانون اور رہائشی قانون کی خلاف ورزی کرنے والے غیر ملکی افراد کو نشانہ بنا رہی ہے۔
روزنامہ القبس کے باخبر ذرائع نے بتایا کہ مشترکہ ٹیمیں خیطان، جلیب الشویخ ، فروانیہ ، وفرا ، کبد اور جہرہ کے علاقوں میں روزانہ کی بنیاد پر چلائی جا رہی ہے۔ اب تک کی اس مہم میں 100 سے زائد اقامہ خلاف ورزی کرنے والے تارکین وطن کو گرفتار کیا گیا ہے۔
مزید پڑھیں: جلیب الشویخ میں بغیر لائسنس کے دکانیں اور کاروبار چلانے والوں کے خلاف کارروائی
جلیب مہم میں کم از کم 30 غیر ملکی گرفتار ہو رہے ہیں جو روزانہ کی بنیاد پر آرٹیکل 18 یا 20 پر گرفتار ہوتے ہیں جو اپنے کفیل کی بجائے کسی دوسری جگہوں پر کام کرتے ہیں اور رہائشی قانون کی خلاف ورزی کرنے والے ہیں جبکہ کبد اور وفرا کے علاقوں میں عارضی مارکیٹ میں 25 مزدوروں کو اشیائے خوردونوش، سبزیاں اور پھل فروخت کرتے ہوئے گرفتار کیا گیا۔