کویت اردو نیوز : کرسمس اور نئے سال کی تعطیلات کے دوران، دبئی نے ہوائی سفر اور سیاحت کے لحاظ سے میدان مار لیا۔ جدید سہولیات سے آراستہ دبئی ایئرپورٹ دنیا بھر سے آنے والے سیاحوں کے لیے ایک شاندار تجربہ ہے۔
دبئی میں ہوائی سفر اور سیاحت کا شعبہ اس وقت اپنے عروج پر ہے۔
متحدہ عرب امارات کی سرکاری خبر رساں ایجنسی "WAM” کے مطابق 15 سے 31 دسمبر تک دنیا بھر سے کل 4.4 ملین سیاحوں کی دبئی آمد متوقع ہے۔ 22 دسمبر کو 280,000 مسافر دبئی پہنچے۔
دبئی حکومت نے موسم سرما کی چھٹیوں کے موسم کو مزید دلکش بنانے کے لیے مسافروں کے لیے زبردست انعامات اور پروموشنز کا اعلان کیا ہے۔ خدمات کا معیار بھی بلند کیا جا رہا ہے۔ دبئی آمد کو تمام سیاحوں کے لیے ایک خوبصورت اور یادگار تجربہ بنانے کی ہر ممکن کوشش کی جا رہی ہے۔
دبئی ایئرپورٹ پر ٹرمینل آپریشنز کے سینئر نائب صدر عیسیٰ الشمسی نے کہا کہ نئی ایئر لائنز اور اضافی پروازوں کا خیر مقدم کیا جا رہا ہے۔ دبئی آنے والوں کو خطے کے دیگر شہروں تک پہنچنے کے لیے معیاری خدمات بھی فراہم کی جارہی ہیں تاکہ وہ کسی بھی مرحلے پر کسی قسم کی الجھن کا شکار نہ ہوں۔
دبئی ایئرپورٹ کو جدید ترین ٹیکنالوجی کی مدد سے جدید ترین ایئرپورٹ میں تبدیل کر دیا گیا ہے۔ اسے دنیا بھر سے آنے والے سیاحوں کے لیے زیادہ سے زیادہ پرکشش بنایا جا رہا ہے۔
دبئی میں چھٹیوں کے موسم میں ہوٹلنگ اور دیگر خدمات کے اعلیٰ معیار کو بھی یقینی بنایا جاتا ہے۔
دبئی ایئرپورٹ اب دبئی کی پہچان بن گیا ہے۔ چھٹیاں گزارنے دبئی آنے والے سیاح بھی ہوائی اڈے کے اعلیٰ معیار سے لطف اندوز ہوتے ہیں۔
