کویت اردو نیوز : اسلام آباد سے تعلق رکھنے والے پاکستانی شہری نے متحدہ عرب امارات کے ڈرا "ایمریٹس ڈرا” میں بڑا جیک پاٹ جیت لیا۔
ایزی 6 گیم کے حالیہ فاتح محمد انعام نے 15 ملین درہم کا جیک پاٹ جیتا ہے جو کہ ایک ارب پاکستانی روپے سے زیادہ ہے۔
محمد انعام کا کہنا ہے کہ ان کی اولین ترجیح زندگی بھر کے خواب کو پورا کرنا ہے جس میں حج بھی شامل ہے۔
محمد انعام اسلام آباد میں پیدا ہوئے اور متحدہ عرب امارات میں مقیم ہیں۔ وہ ابوظہبی میں واقع ایک نجی فرم میں فنانس آڈیٹر ہیں۔
انعام کا لاٹری خریدنے کا سفر 2021 میں شروع ہوا جب اس نے سوشل میڈیا پر ایک اشتہار دیکھا۔
اگرچہ وہ کافی عرصے سے لاٹری میں حصہ لے رہے تھے لیکن اب اس کی استقامت رنگ لے آئی ہے۔
اس حوالے سے انعام نے کہا کہ الحمدللہ اب میرے بہت سے منصوبوں پر عمل ہو سکتا ہے۔
انعام نے انکشاف کیا کہ یہ خاص جیت ایک حیران کن تھی، کیونکہ اس نے اپنے معمول کے حسابی انداز سے ہٹنے کا انتخاب کیا۔
انہوں نے کہاہے کہ "یہ واحد موقع ہےجب میں نے آنکھیں بند کر کےنمبروں کا انتخاب کیاتھا۔” مجھے ان نمبروں کابھی علم نہیں تھاجو میں نے اٹھایا تھا۔ اگر میں نے انہیں دیکھا ہوتا تو میں انتخاب میں حصہ نہ لیتا، جیسا کہ میں نے لگاتار 14 اور 15 کا انتخاب کیا۔
زندگی بدل دینے والی کال آئی تو انعام نے ابتدا میں اسے مذاق کہہ کر مسترد کر دیا۔
انہوں نے کہا "بعد میں مجھے معلوم ہوا کہ کال سچ تھی، اور میں اب ایک ارب پتی ہوں،”
انعام نے سب سے پہلے یہ خبر اپنی بیوی کے ساتھ شیئر کی۔اپنی جیت کو استعمال کرنے کے اپنے فوری منصوبوں پر بات کرتے ہوئے، انعام نے فیملی کے لیے کار خریدنے کے بارے میں بات کی ۔
انعام نے کہا، "مزید تمام سرمایہ کاری اور اخراجات ملتوی کر دیے جائیں گے اور حج کے بعد باقی منصوبوں پر عمل ہوگا ۔
، انعام نے کہا کہ وہ حج کے بعد متحدہ عرب امارات کی رئیل اسٹیٹ مارکیٹ میں سرمایہ کاری کرنے کا ارادہ رکھتے ہیں، وہ اپنی جیت کا ایک حصہ چیریٹی میں عطیہ کریں گے ۔
