کویت اردو نیوز : وقت ہمیشہ آگے بڑھتا ہے، لیکن نئے سال کی ٹوکیو سے لاس اینجلس کی پرواز مسافروں کو پچھلے سال پر واپس لے گئی۔
یہ دلچسپ سفر جاپانی ایئرلائن آل نپون ایئرویز کی پرواز NH106 کا ہے، جو یکم جنوری 2024 کو رات 1:06 بجے ٹوکیو کے ہنیدا ایئرپورٹ سے لاس اینجلس کے لیے روانہ ہوئی تھی۔
یہ پرواز 8 گھنٹے 56 منٹ کے سفر کے بعد لاس اینجلس ایئرپورٹ پر اتری اور یہ مقامی وقت کے مطابق 31 دسمبر 2023 کی شام 5 بج کر 6 منٹ پر تھی۔
اس طرح اس دلچسپ پرواز کے مسافر نئے سال سے پچھلے سال واپس لوٹ آئے اور ایک بار پھر نئے سال کا جشن منایا۔
دراصل نیوزی لینڈ سمیت دنیا کے مختلف حصوں میں 2024 کا آغاز نیوزی لینڈ میں پاکستان کے معیاری وقت کیمطابق شام 4 بجے آتش بازی سے کیا گیا۔
ٹونگا، ساموا ، کریباتی میں 2024 کا آغاز نئے سال سے قبل پاکستانی وقت کیمطابق سہ پہر 3 بجے ہوا۔
آسٹریلیا میں نئے سال کا آغاز پاکستانی وقت کیمطابق شام 6 بجے سڈنی میں آتش بازی سے ہوا اور آسٹریلیا کیبعد جاپان، کوریا، انڈونیشیا میں نئے سال کا آغاز ہواتو جنوبی ایشیائی ممالک، روس، یورپی ممالک اور آخر میں نیاسال امریکہ میں منایا گیا.
