کویت اردو نیوز : متحدہ عرب امارات میں العین میں مقیم ہندوستانی ڈرائیور نے 2 کروڑ درہم کی لاٹری جیت لی ۔
متحدہ عرب امارات میں ایک حیران کن واقعہ پیش آیا ہے جہاں العین شہر میں ایک بھارتی ڈرائیور نے 2 کروڑ درہم کی لاٹری جیت لی ہے۔
گلف نیوز کے مطابق العین میں مقیم پرائیویٹ ڈرائیور منور فیروز نے سیریز 259 بگ ٹکٹ لائیو ڈرا میں 2 کروڑ درہم کی لاٹری جیت لی ہے۔
منور فیروز نے کہا کہ وہ پچھلے پانچ سالوں سے ہر ماہ ٹکٹ خرید رہے ہیں اور اب بھی یقین نہیں آتا کہ اس نے بڑا انعام جیت لیا ہے۔
جب ان سے پوچھا گیا کہ اتنے پیسوں کا کیا کریں گے؟ تو اس کے جواب میں انہوں نے کہا کہ میں اس کے بارے میں نہیں جانتا کیونکہ مجھے بالکل بھی ایسا ہونے کی توقع نہیں تھی۔ میں اب بھی حیران ہوں اور کچھ دیر مزید سوچوں گا کہ انعام کا کیا کرنا ہے۔
منور فیروز، جس نے ڈی ایچ 2 کروڑ کا انعام جیتا ہے، اس بڑے انعام کو ان 30 دیگر لوگوں میں برابر کے شریک کریں گے جنہوں نے اس کے ساتھ وہی ٹکٹ خریدا تھا۔
اس لائیو قرعہ اندازی میں ہندوستان، فلسطین، لبنان ، سعودی عرب سے 10 خوش نصیبوں کا قرعہ اندازی میں نام نکلا ہے۔
منگل کے روز ستیش کمار کماریسن نامی ایک اور ہندوستانی کو دسمبر کے چوتھے ہفتے کے ای ڈرا کا فاتح قرار دیا گیا جس نے 10 لاکھ یو اے ای درہم جیتے۔
ستیش کمار کماریسن اتحاد ایئرویز میں انجینئر ہیں اور ان کا تعلق ابوظہبی سے ہے۔
