کویت اردو نیوز : کچھ لوگوں کا خیال ہے کہ عظیم شہروں میں مصروف علاقے، سستا کھانا اور دیگر سہولیات اہم ہیں۔ دوسروں کا خیال ہے کہ سبز جگہوں تک رسائی، مقامی لوگوں کی خوشی اور سماجی ہم آہنگی جیسے عناصر شہر کو عظیم بناتے ہیں۔
ٹائم آؤٹ کے سالانہ سروے میں ماہرین کے ساتھ ساتھ مقامی باشندوں کی رائے کو مدنظر رکھتے ہوئے 2024 کے لیے 50 بہترین شہروں کا انتخاب کیا گیا ہے۔
سروے میں ہزاروں افراد شامل تھے اور معیار زندگی، خوراک کی قیمتوں، ثقافت اور دیگر پہلوؤں کی بنیاد پر شہروں کی درجہ بندی کی گئی۔
فہرست میں سرفہرست 10 شہر درج ذیل ہیں۔
10. پورٹو، پرتگال
یورپی ملک پرتگال کا یہ شہر فہرست میں 10ویں نمبر پر ہے۔
9. روم، اٹلی
اٹلی کا دارالحکومت روم اپنی تاریخی یادگاروں کی وجہ سے دنیا بھر کے سیاحوں کا پسندیدہ مقام ہے۔لیکن اس کے ساتھ ساتھ کھانے پینے کی اشیاء، کھلے بازار اور دیگر مقامات بھی لوگوں کی توجہ کا مرکز ہیں۔
8. ٹوکیو، جاپان
آبادی کے لحاظ سے دنیا کا سب سے بڑا شہر ٹوکیو اس فہرست میں آٹھویں نمبر پر ہے۔
7. لیورپول، برطانیہ
یہ برطانوی شہر اپنے فٹ بال میچوں کے لیے جانا جاتا ہے لیکن اسے وہ شہر بھی کہا جاتا ہے جو کبھی نہیں سوتا۔
6. میکسیکو سٹی، میکسیکو
میکسیکو کا شہر ملک کا ثقافتی مرکز بھی ہے، جبکہ اس کے کھانے، موسم اور سستے طرز زندگی نے اسے فہرست میں چھٹے نمبر پر پہنچا دیا۔
5. میڈرڈ، سپین
اس فہرست میں اسپین کا یہ شہر 5ویں نمبر پر ہے۔
4. لندن، برطانیہ
برطانیہ کا دارالحکمت لندن کسی تعارف کا محتاج نہیں، یہ ان چند شہروں میں سے ایک ہے جو ہر سال سب سے زیادہ سیاحوں کو اپنی طرف متوجہ کرتا ہے۔ لندن دنیا کے معروف تجارتی، اقتصادی اور ثقافتی مراکز میں سے ایک ہے۔
3. برلن، جرمنی
جرمنی کے اس حصے کو 2024 میں تیسرے بہترین شہر کا اعزاز دیا گیا ہے۔
2. کیپ ٹاؤن، جنوبی افریقہ
سروے میں شامل ہر ایک نے شہر کو خوبصورت قرار دیا جو ساحلی علاقوں، شہری زندگی اور خوبصورت پہاڑی مناظر کا مجموعہ ہے۔ لیکن ساتھ ہی، اس کی ثقافتی زندگی نے اسے 2024 میں دنیا کا دوسرا بہترین شہر بنا دیا۔
1. نیویارک، امریکہ
نیویارک کو وہ شہر کہا جاتا ہے جو کبھی نہیں سوتا۔ یہ ایک ایسا شہر ہے جہاں دنیا کے ہر حصے سے لوگ رہتے ہیں، اس لیے سیاحوں کو کسی غیر ملک میں اجنبیت محسوس نہیں ہوتی۔
