کویت: تیز ہواؤں کے ساتھ گرج چمک بارش کا امکان

کویت اردو نیوز 15 نومبر: گرج چمک اور تیز ہوا کے ساتھ بارش کا امکان ہے۔

تفصیلات کے مطابق محکمہ موسمیات کے مطابق آنے والے چند گھنٹوں کے دوران گہرے بادل کویت کے آسمان پر چھا جائیں گے۔ گرد آلود اور تیز ہواؤں کے ساتھ بارش کے علاوہ حد نظر کم ہوسکتی ہے۔ تیز ہواؤں کی وجہ سے سمندری لہریں 6 فٹ یا اس سے زیادہ بلند ہوں گی۔

رات کے وقت تک موسم جزوی طور پر ابر آلود رہے گا اور ہوائیں شمال مشرقی علاقے سے تیز رفتار سے سفر کریں گی جس کی رفتار 12 سے 40 کلومیٹر فی گھنٹہ ہو گی۔ ہلکی ہلکی بارش کے امکان کے ساتھ ساتھ وقتا فوقتا طوفانی بارش ہوسکتی ہے۔

زیادہ سے زیادہ درجہ حرارت 26 ڈگری سینٹی گریڈ ہے جبکہ کم سے کم درجہ حرارت 20 ڈگری سینٹی گریڈ رہے گا۔