کویت اردو نیوز : شارجہ پولیس نے 8 لاکھ درہم مالیت کا سونا چوری اور اسمگل کرنے کی کوشش کو ناکام بنا دیا ۔
الامارت الیوم کے مطابق، خورفکان شہر میں سونے کے ایک شوروم نے پولیس آپریشن روم سے رابطہ کیا اور شکایت درج کروائی کہ ایک جرائم پیشہ گروہ نے رات گئے شوروم سے چوری کی ہے۔
شارجہ پولیس نے فوری طور پر ایک تحقیقاتی ٹیم تشکیل دی اور تفتیش کے بعد بندرگاہ میں ایک کارگو کنٹینر سے چوری شدہ سونا برآمد کر لیا۔
پولیس کے مطابق چوری شدہ سونا شارجہ سے باہر بھیجا جا رہا تھا۔ پولیس گروہ کی گرفتاری کے لیے چھاپے مار رہی تھی ۔ مقدمہ قانونی کارروائی کے لیے پبلک پراسیکیوشن کو بھیج دیا گیا۔
شارجہ پولیس نے تمام کاروباری مالکان اور افراد سے اپیل کی ہے کہ وہ اپنے اداروں میں سیکیورٹی کنٹرول سسٹم نصب کریں۔
اس سلسلے میں سیکیورٹی اداروں سے تعاون کیا جائے۔ جرم کرنے کی کوشش کرنے والے کسی کی اطلاع دینے میں کسی قسم کی ہچکچاہٹ محسوس نہ کریں۔
