کویت اردو نیوز : نظام انہضام ہماری صحت میں اہم کردار ادا کرتا ہے کیونکہ یہ غذائی اجزاء کو جذب کرتا ہے اور جسم سے فضلہ نکالتا ہے۔ لیکن بہت سے لوگوں کو ہاضمے کے مسائل کا سامنا کرنا پڑتا ہے۔
سینے میں جلن یا معدے میں تیزابی سیال کی مقدار میں اضافہ، Irritable Bowel Syndrome اور دیگر بیماریاں اس حوالے سے کردار ادا کرتی ہیں۔ لیکن کئی بار آپ کی خوراک بھی نظام ہاضمہ کو کمزور کر دیتی ہے۔
تو جانیے ان چند بہترین غذاؤں کے بارے میں جو نظام انہضام کے لیے اچھی ہیں۔
• دہی میں موجود بیکٹیریا یا پروبائیوٹکس نظام ہاضمہ کو فائدہ پہنچاتے ہیں۔ یہ بیکٹیریا نظام ہاضمہ کو ہیضہ اور قبض جیسی مختلف بیماریوں سے بچانے میں اپنا کردار ادا کرتے ہیں۔ اس کے ساتھ یہ بیکٹیریا پیٹ پھولنے کے مسئلے کو روکنے میں بھی اپنا کردار ادا کرتے ہیں۔
• سیب میں فائبر کی مقدار زیادہ ہوتی ہے جو کہ ہاضمے کی صحت کے لیے بہت اہم غذائیت ہے۔ غذائی ریشہ ہمارے جسم سے ہضم نہیں ہو سکتا اور یہ آنتوں تک پہنچ کر صحت مند بیکٹیریا کی خوراک بن جاتا ہے اور وہ بڑھتے ہیں۔ یہ قبض اور ہیضے جیسے مسائل کو روکنے میں مدد کرتا ہے جبکہ آنتوں کے انفیکشن اور ورم کے خطرے کو بھی کم کرتا ہے۔
• سونف کا استعمال اپھارہ اور اضافی گیس کو دور کرنے میں بھی مددگار ثابت ہوتا ہے۔ اس کی وجہ یہ ہے کہ سونف میں فائبر موجود ہوتا ہے جبکہ یہ جراثیم کش اور سوزش کش بھی ہے جو کہ نظام انہضام کو بھی فائدہ پہنچاتی ہے ۔سونف کی چائے اس مقصد کے لیے زیادہ مفید ہے۔
• پپیتا نظام انہضام کے لیے بھی ایک بہترین پھل ہے۔ اس میں پاپین نامی جز ہوتا ہے جو پروٹین ریشوں کو توڑنے میں مدد کرتا ہے، جو کہ پروٹین کو ہضم کرنے میں مدد کرتا ہے۔ یہ پیٹ کے مسائل سے نجات دلانے میں بھی مفیدہے۔
•چقندر فائبر کا ایک اچھا ذریعہ ہیں۔فائبر ہمارے جسم کے ذریعے ہضم نہیں ہوتا ہے اور یہ صحت مند بیکٹیریا کی خوراک بننے کے لیے براہ راست آنتوں میں جاتا ہے، جوہاضمے کوبہترین بناتاہے ۔
اگر بدہضمی جیسے مسائل میں مبتلا ہوں تو ادرک آرام فراہم کرتی ہے۔ اس کے ساتھ ساتھ ادرک ہاضمہ کے دیگر مسائل سے بھی نجات دیتی ہے جبکہ سینے کی جلن، متلی اور پیٹ کی خرابی کا خطرہ بھی کم کرتی ہے۔