کویت اردو نیوز: نمبیو ویب سائٹ کے مطابق، کویت کو 2024 کے لیے رہائش کی لاگت کے انڈیکس میں سب سے سستے خلیجی شہر کے طور پر تسلیم کیا گیا ہے، جس نے عالمی سطح پر 218 واں مقام حاصل کیا ہے۔
مہنگے ترین خلیجی شہروں کی درجہ بندی میں دبئی سرفہرست ہے، اس کے بعد ابوظہبی، دوحہ، منامہ، ریاض، جدہ، شارجہ، مسقط اور آخر میں کویت ہے۔ انڈیکس رہائش کے اخراجات کو چھوڑ کر دنیا بھر کے 362 شہروں میں اشیائے ضروریہ کی متعلقہ قیمتوں کا تعین کرتا ہے۔
نمبیو نے 100 میں سے 67.1 کے اسکور کے ساتھ 2024 کے لیے کویت کو خلیجی اور عرب دنیا میں پانچویں جبکہ محفوظ ممالک کے انڈیکس میں عالمی سطح پر 30 واں نمبر دیا ہے۔ محفوظ ممالک کے اشاریہ ان عوامل کو مدنظر رکھتے ہیں جن میں حفاظت، مخصوص جرائم کے بارے میں خدشات، جائیداد کے جرائم اور پرتشدد جرائم شامل ہیں۔ متحدہ عرب امارات نے عرب دنیا اور عالمی سطح پر سرفہرست مقام حاصل کیا جبکہ قطر، عمان اور سعودی عرب بالترتیب ہیں۔
