کویت اردو نیوز : برطانیہ کی آنجہانی ملکہ کی گاڑی فروخت کے لیے ہیش کر دی گئی ، قیمت جان کر یقیناً آپ کے ہوش اُڑ جائیں گے۔
برطانیہ کی سابق ملکہ الزبتھ دوم کی گاڑی فروخت کے لیے پیش کر دی گئی ہے۔ شاہی گاڑی کی قیمت سننے والوں کے ہوش اڑ جائیں گے۔
اسٹمپ رینج روور کو خاص طور پر شاہی خاندان کی شان کے مطابق ڈیزائن کیا گیا تھا۔
بریملےآکشنیرز کی فہرست میں شامل اس کار کی ابتدائی قیمت 2 لاکھ 24 ہزار 850 برطانوی پاؤنڈ ہے جو تقریباً 8 کروڑ پاکستانی روپے بنتی ہے۔
نیلام گھر نے شاہی گاڑی کی تصاویر انسٹاگرام پر شیئر کیں۔ ایک تصویر میں سابق امریکی صدر براک اوباما اور ان کی اہلیہ مشل کو گاڑی میں بیٹھے دکھایا گیا ہے۔ یہ گاڑی 2016 اور 2017 میں شاہی بیڑے کا حصہ تھی۔
گاڑی کی نمبر پلیٹ بھی وہی ہے جو ملکہ الزبتھ دوم نے استعمال کی تھی۔ برطانوی شاہی خاندان کی گاڑیوں کی نمبر پلیٹیں عموماً اس وقت تبدیل کی جاتی ہیں جب وہ استعمال میں نہیں رہتیں۔ اس گاڑی میں بہترین سسٹم نصب ہیں۔
