کویت اردو نیوز : بال ڈائی کرنا اب صرف فیشن نہیں بلکہ ضرورت بھی بن چکا ہے ۔ بڑوں کے ساتھ نوجوان بھی بالوں کی رنگت تبدیل کرنے کے لیے سیلون کا رخ کرتے نظر آتے ہیں۔
ہئیرڈائی سےپہلے ضروری ہےکہ کچھ باتوں کومد نظررکھاجائےتاکہ آپ بہترنتائج حاصل کرسکیں اور آپکوکسی طرح کی کوفت کا سامنا نہ کرنا پڑے۔
• ڈائی سے پہلے آپ کو اپنے بالوں کی صحیح رنگت معلوم ہونی چاہئیے تاکہ آپ اپنے بالوں کے لیے مناسب شیڈ کا انتخاب کر سکیں۔نارمل رنگت کے بال ڈائی کرنے کے لیے مختلف شیڈز کا انتخاب کیا جا سکتا ہے جبکہ ہلکی رنگت والے بالوں کے لیے مناسب شیڈز کا انتخاب کرنے کے لیے ماہر بیوٹیشن سے مشورہ ضروری ہے ۔
• ڈائی سے پہلے یہ بات ذہن میں رکھیں کہ ایک ہی دفعہ میں بالوں کے رنگ میں تبدیلی نہیں آسکتی ۔ بالوں کے رنگ کو یکسر تبدیل کرنے کیلیے آپ کو کئی دفعہ کلرکااستعمال کرنا پڑیگا جبکہ بالوں کو ہلکے رنگ میں رنگنے کیلیے کافی محنت درکارہوتی ہے۔
• اگر آپ بالوں کے رنگ کو تبدیل کرنا چاہتے ہیں تو ڈائی سے پہلے مطلوبہ رنگ کی یا اس سے ملتی جلتی وگ لگا کر دیکھیں اس طرح آپ کو پتہ چل جائے گا کہ یہ رنگ آپ پر جچے گا بھی یا نہیں۔
• بالوں کی لمبائی کے لحاظ سے کلر کی ضرورت پیش آتی ہے ۔ اس لیے خریدتے وقت اپنے بالوں کی لمبائی کو پیش نظر رکھتے ہوئے کلر خریدیں لمبے بالوں میں دو سے تین پیک استعمال ہوسکتے ہیں ۔کیوں کہ تمام بالوں کو ایک سا رنگنے کے لیے اوپر سے نیچے تک ایک جیسا کلر لگانا پڑتا ہے ۔
• اپنی جلد کی حساسیت کے حساب سے صحیح فارمولا منتخب کریں ۔حساس جلد والی خواتین کو کریمی فارمولے والے کلر استعمال کرنے چاہیں تاکہ وہ بہہ کر مانگ میں یا چہرے پر نہ جاسکیں ۔ اسی طرح گھنے اور گھنگریالے بالوں والی خواتین کو جیل یا لکویڈ فارمولا استعمال کرنا چاہیے ۔
• پول میں موجود کلورین بالوں کے رنگ کو کاٹ سکتی ہے ۔ اس لیے ضروری ہے کہ ہئیر ڈائی سے پہلے اور بعد دو ہفتے تک پول میں نہانے یا اس کے پاس بیٹھنے سے گریز کریں۔
• ماہرین کا کہنا ہے کہ آپ اپنے لیے جو رنگ خریدنا چاہتے ہیں اس سے ایک دو شیڈز ہلکا رنگ لیں۔ کیونکہ ڈبے میں موجود کلر ڈبے کے اوپر بنی تصویر کے بالوں کے رنگ سے زیادہ گہرا ہوتا ہے ۔ رنگ کو ہلکا کرنے سے ہلکے شیڈ میں خرید لینا زیادہ بہتر ہوگا۔
• سر کی جلد کا قدرتی تیل کلر سے ہونے والی بے چینی یا جلن سے بچاتا ہے ۔ ماہرین کے مطابق بغیر دھلی ہوئی جلد کلر کے لیے زیادہ مناسب ہے۔ اس لیے جب آپ ہئیر ڈائی کا ارادہ کریں تو اس سے ایک دن پہلے سے شیمپو کا استعمال ترک کردیں ، تیل لگے بالوں میں کلر نہ لگائیں۔
• خشکی دور کرنے والے شیمپو میں موجود سلفیٹ اور دوسرے کیمیکلز بالوں کا رنگ کاٹ دیتے ہیں ۔ اس لیے ضروری ہے کہ بالوں کی رنگت کو محفوظ رکھنے والے شیمپو استعمال کیے جائیں۔
• ہئیر ڈائی سے پہلے یہ بات ذہن میں رکھیں کہ کلر لگانے سے بالوں کو نقصان پہنچتا ہے ۔ چاہے آپ بالوں کے رنگ کو تبدیل کریں یا اپنے بالوں کا رنگ ہی استعمال کریں دونوں طرح کے کلر میں ہائیڈروجن پر آکسائیڈ کی موجودگی بالوں کو نقصان پہنچاتی ہے ۔ بالوں کی چمک برقرار رکھنے کے لیے ہفتے میں ایک دفعہ تیل کا استعمال ضرور کریں۔
