کویت اردو نیوز : دنیا بھر میں لاکھوں یا اربوں لوگ روزانہ کار سے سفر کرتے ہیں۔ لیکن حیران کن طور پر زیادہ تر لوگ گاڑی کے اندر چھپے کچھ حیرت انگیز فیچرز کا مقصد نہیں جانتے۔
ان میں سے ایک خصوصیت سر کو سہارا دینے کے لیے کار سیٹوں میں ہیڈریسٹس میں بھی چھپی ہوئی ہے۔ یہ ہیڈریسٹ بنیادی طور پر سر اور گردن کو حادثے کے دوران شدید جھٹکے سے بچاتا ہے۔
ہیڈریسٹ 1960 کی دہائی سے گاڑیوں میں استعمال ہو رہے ہیں اور حادثے کے دوران سر کی حرکت کو محدود کرتے ہیں، جس سے گردن کے ٹوٹنے یا چوٹ لگنے کا خطرہ کم ہوتا ہے۔
لیکن کیا آپ جانتے ہیں کہ ہیڈریسٹ سیٹ سے الگ کیوں ہوتی ہے اور نیچے دھات کی سلاخیں کیوں ہوتی ہیں؟اگر نہیں، تو جان لیں کہ آپ ایمرجنسی میں گاڑی کی کھڑکیوں کو توڑنے کے لیے ہیڈریسٹ کا استعمال کر سکتے ہیں۔
مثال کے طور پر، اگر یہ کسی حادثے یا کسی اور وجہ سے گاڑی میں پھنس جائے تو آپ ہیڈسیٹ کو اس کی جگہ سے ہٹا سکتے ہیں اور اس کی دھاتی سلاخوں کو گاڑی کے دروازے اور شیشے کے درمیان والی جگہ میں ڈال کر شیشہ توڑ سکتے ہیں۔
زیادہ تر لوگ گاڑیوں کی اس خصوصیت سے واقف نہیں ہیں جو ہنگامی حالات میں جان بچانے میں مدد دے سکتی ہے۔
