کویت اردو نیوز : ماہرین آثار قدیمہ نے حال ہی میں برطانیہ میں ایک مکمل طور پر سالم 1700 سال پرانا انڈا دریافت کیا ہے۔
میڈیا رپورٹس سے پتہ چلتاہےکہ برطانوی علاقے بکنگھم شائر میں ماہرین آثار قدیمہ نے ایک ایسی چیز دریافت کی ہے جو دنیا نے پہلے کبھی نہیں دیکھی تھی: ایک محفوظ انڈاجوکم ازکم 1,700 سال پراناہے۔
گڑھے میں ایک ٹوکری، مٹی کے برتن، جانوروں کی ہڈیاں، سکے، چمڑے کے جوتے اور دیگر انڈے کے خول بھی ملے ہیں۔
آکسفورڈ یونیورسٹی آرکیالوجی کے سینئر پروجیکٹ مینیجر ایڈورڈ بڈولف نے کہا کہ یہ "بالکل ناقابل یقین” ہے کہ انڈے میں اب بھی مائع موجود ہے۔ انہوں نے کہا کہ جب ہم نے انڈے کو دریافت کیا تو ہمیں امید تھی کہ انڈے میں موجود تمام مائع نکل آئے گا لیکن ایسا نہیں ہوا۔
ماہرین کے مطابق یہ انڈا دنیا کا سب سے قدیم غیر ارادی طور پر محفوظ کیا گیا انڈا ہے۔ محققین اس وقت مزید حیران ہوئے جب انہوں نے یہ بھی دیکھا کہ انڈا اب بھی اپنے اصلی سیال سے بھرا ہوا ہے۔
یہ انڈا رومیوں کے تیار کردہ پانی سے بھرے ایک بڑے گڑھے میں ملا۔ یہ گڑھا اصل میں شراب کو خمیر کرنے کے لیے استعمال کیا جاتا تھا اور پھر اسے قربان گاہ کے لیے وقف کیاگیاتھا۔
