کویت اردو نیوز : الجزائر نے رمضان کے مقدس مہینے سے پہلےدنیا کی تیسری سب سے بڑی اور افریقہ کی سب سے بڑی مسجد کا افتتاح کر دیا ہے، جو کہ سیاسی تبدیلیوں کے باعث برسوں سے تاخیر کا شکار تھی۔
الجزائر کے صدر عبدالمجید تبون نے پیر کو شمالی افریقی ملک بحیرہ روم کے ساحل پر الجزائر کی عظیم الشان مسجد کا باضابطہ افتتاح کیا۔
مقامی طور پر اس کو دجامع الدجایر کے نام سے جانا جاتا ہے، اس میں دنیا کا سب سے اونچا مینار 265 میٹر (869 فٹ) ہے، مسجد میں 120,000 نمازیوں کی گنجائش ہے، اور سعودی عرب کے مکہ اور مدینہ میں اسلام کے مقدس ترین مقامات کے بعد یہ دنیا کی سب سے بڑی مسجد ہے۔
یہ سات سالوں میں جدیدیت کے ڈھانچے کی شکل میں تعمیر کی گئی ہے ،جو 27.75 ہیکٹر (تقریباً 70 ایکڑ) پر پھیلی ہوئی ہے جسے لکڑی اور سنگ مرمر سے سجایا گیا ہے، مبینہ طور پر مسجد میں ایک ہیلی کاپٹر لینڈنگ پیڈ اور ایک لائبریری ہے جس میں 10 لاکھ کتابیں رکھنے کی صلاحیت ہے۔
اس کی افتتاحی تقریب بڑی حد تک رسمی تھی، کیونکہ یہ تقریباً پانچ سالوں سے الجزائر میں بین الاقوامی سیاحوں اور ریاستی زائرین کے لیے کھلی ہے، اور پہلی بار اکتوبر 2020 میں نماز کے لیے کھولی گئی تھی ۔
اس وسیع مسجد کی تعمیر پر تقریباً 900 ملین ڈالر لاگت آئی ہے اور اسے ایک چینی فرم نے تعمیر کیا تھا۔
