کویت اردو نیوز :مقبوضہ کشمیر پر بننے والی بھارتی فلم پر خلیجی ریاستوں میں پابندی عائد کر دی گئی ہے۔
بالی ووڈ فلم ’آرٹیکل 370‘ کی ریلیز پر سعودی عرب، متحدہ عرب امارات، کویت، قطر، عمان سمیت بحرین میں پابندی عائد کردی گئی ہے۔
بھارتی اداکارہ یامی گوتم کی فلم ’آرٹیکل 370‘ پر عرب ممالک میں پابندی عائد کر دی گئی، اداکارہ کی فلم میں ایکشن اور تھرلر کے ساتھ ساتھ متنازع سیاسی منظر کشی بھی ہے۔
فلم آرٹیکل 370 کو سیاسی فلم کےطور پر پیش کیا گیاہے ، فلم میں مقبوضہ کشمیر کی آئینی حیثیت سے تعلق رکھنے والے واقعات کودکھایاگیا ہے۔
عرب ممالک نے متنازعہ سیاسی منظر کشی کے باعث اداکارہ یامی گوتم کی فلم کی ریلیز کی اجازت نہیں دی ہے۔
بھارت میں اس فلم کو 23 فروری کو ریلیز کیا گیامگرخلیجی ریاستوں میں اس فلم کی ریلیز پر پابندی کو بھارتی میڈیا نے انتہائی حیران کن قرار دےدیا ہے۔
واضح رہے کہ 2024 دوسری فلم ہے، جس پر خلیجی ریاستوں میں پابندی عائد کی گئی ہے، اس سے قبل ہریتک روشن اور دیپیکا پڈوکون کی فلم فائٹر پر بھی جنوری میں خلیجی ریاستوں میں پابندی لگائی گئی تھی۔
