کویت اردو نیوز 02 دسمبر: درمیانے درجے سے موسلا دھار بارش کل سے شروع ہو رہی ہے۔
تفصیلات کے مطابق ملک کے مختلف حصوں میں درمیانی مقدار اور گرج چمک کے ساتھ بارش ہوئی اور توقع کی گئی ہے کہ بارش اگلے اتوار تک جاری رہے گی۔
محکمہ موسمیات میں موسم کی پیش گوئی کے مانیٹر عبد العزیز القراوی نے روزنامہ القبس کو تصدیق کی کہ ملک میں کم اور درمیانے درجے کے بادل پھیل رہے ہیں جو موسلا دھار بارش کا سبب بنتے ہیں۔ انہوں نے ذکر کیا کہ وقفے وقفے سے آج سے شروع ہونے والی بارش جمعہ اور ہفتہ کو جاری رہنے کے ساتھ ساتھ بعض اوقات حد نظر میں بھی کمی واقع کرے گی نیز اتوار تک ملک بارش کی صورتحال سے متاثر رہے گا۔
القراوی نے نشاندہی کی کہ بارش کی صورتحال آہستہ آہستہ بڑھتی جائے گی جس کی وجہ سے لگاتار بارش ہوسکتی ہے اور کچھ علاقوں خصوصا جنوبی ، مغربی اور وسطی علاقوں میں بارش کی مقدار عام طور پر معتدل ہوجائے گی۔
انہوں نے اشارہ کیا کہ اگلے اتوار کی شام تک بادلوں کی مقدار کم ہوجائے گی اور دھند کی تشکیل کی وجہ سے شام ، صبح اور ابتدائی ادوار کے دوران حد نظر میں کمی کے ساتھ آہستہ آہستہ بارش کے امکانات کم ہوجائیں گے۔
