کویت اردو نیوز 07 دسمبر: کویت کی محکمہ موسمیات کی انتظامیہ میں موسم کی پیش گوئی کے مبصر عبد العزیز القراوی نے کہا ہے کہ سوڈان کی موسمی تبدیلی سے ملک کے شمال مغربی حصے سے بلند ہوا کے آگے بڑھنے کا آغاز ہو چکا ہے جس کی وجہ سے بارشوں کے سلسلے کا خاتمہ ہوا ہے جبکہ موسمی حالات میں استحکام کا آغاز ہو چکا ہے۔
تفصیلات کے مطابق القراوی نے گزشتہ روز اتوار کویت نیوز ایجنسی (KUNA) کو ایک بیان میں مزید کہا کہ آنے والے دنوں کے دوران متوقع موسم دن کے وقت معتدل جبکہ رات کے وقت سرد رہے گا۔ کچھ علاقوں میں دھند ہونے کا امکان رہے گا۔ شمال مغربی علاقوں کی طرف سے چلنے والی ہواؤں میں اتار چڑھاؤ کے علاوہ ہلکی سی اعتدال پسند رفتار دیکھنے کو ملے گی۔
انہوں نے بتایا کہ کم سے کم درجہ حرارت 11 سے 13 ڈگری سینٹی گریڈ جبکہ زیادہ سے زیادہ درجہ حرارت 20 سے 23 ڈگری سینٹی گریڈ کے درمیان رہے گا۔
