کویت اردو نیوز : جرمنی میں ایک جنونی شخص نے گھر میں گھس کر پاکستانی شہری کو چاقو کے وار کرکے قتل کردیا۔
جرمنی میں مقامی شخص نے گھر میں گھس کر کراچی سے تعلق رکھنے والے محمد فہیم کو چھری کے وار کر کے قتل جبکہ اس کی بیوی اور 13 سالہ بیٹی کو شدید زخمی کر دیا۔
خاندانی ذرائع کا کہنا ہے کہ فہیم الدین کی میت کل بروز اتوار کی شام کراچی لائی جائے گی اور پیر کو مقامی قبرستان میں سپرد خاک کیا جائے گا۔
تفصیلات کے مطابق جنوبی جرمنی کی ریاست Baden-Württemberg کے شہر Ulm کے رہائشی پاکستانی نژاد جرمن شہری کے گھر میں گھس کر اسے چاقو کے وار کر کے زخمی کر دیا۔
حملے کے نتیجے میں پاکستانی نژاد 58 سالہ فہیم الدین موقع پر ہی دم توڑ گئے جب کہ ان کی اہلیہ اور 13 سالہ بیٹی شدید زخمی ہو گئے جنہیں طبی امداد کے لیے ہسپتال لے جایا گیا۔ پولیس کے مطابق حملے کے وقت دو بیٹیاں محفوظ رہیں کیوں کہ وہ گھر میں چھپ گئیں تھیں۔
اطلاع ملتے ہی پولیس موقع پر پہنچی اور حملہ آور کو گولی مار کر ہلاک کر دیا۔ پولیس کا کہنا ہے کہ قاتل ذہنی مریض تھا اور چند ماہ قبل نفسیاتی علاج سے واپس آیا تھا۔
