کویت اردو نیوز : متحدہ عرب امارات میں دبئی روڈز اینڈ ٹرانسپورٹ اتھارٹی کا کہنا ہے کہ "دبئی میٹرو بلیو لائن” منصوبے پر کام اس سال کی تیسری سہ ماہی میں شروع ہو جائے گا۔
ایمریٹس نیوز ایجنسی کے مطابق دبئی میں روڈز اینڈ ٹرانسپورٹ اتھارٹی نے کہا کہ اس حوالے سے تمام تیاریاں مکمل کر لی گئی ہیں۔ کمپنیوں کی طرف سے پیش کردہ پیشکشوں کا فی الحال جائزہ لیا جا رہا ہے۔
اتھارٹی کا کہنا ہے کہ یہ میٹرو 2040 تک تقریباً 10 لاکھ افراد کو سفری سہولیات فراہم کرے گی۔یہ منصوبہ دبئی میں مشرق وسطیٰ اور شمالی افریقہ ٹرانسپورٹ کانفرنس اور نمائش میں پیش کیا گیا۔
ٹرائل رن 2027 میں کیا جائے گا جبکہ اس منصوبے کو مکمل ہونے کے بعد 9 ستمبر 2029 تک عوام کے لیے کھول دیا جائے گا۔
اتھارٹی نے توقع ظاہر کی کہ اس منصوبے کی تکمیل کے بعد 2030 میں 200,000 افراد میٹرو سے سفر کر سکیں گے جب کہ 2040 تک 320,000 مسافر اس سہولت تک رسائی حاصل کر سکیں گے۔
دبئی میٹرو بلیو لائن تین ٹرانزٹ اسٹیشنوں پر مشتمل ہے۔ گرین لائن پر الخور اسٹیشن، ریڈ لائن پر سینٹر پوائنٹ اسٹیشن، دبئی انٹرنیشنل اسٹیشن (1)، اور دبئی کریک مرینا کے علاقے میں ایک اسٹیشن، جب کہ اوور ہیڈ اسٹیشنوں کی تعداد 9 اسٹیشن اور پانچ زیر زمین اسٹیشن ہیں۔
