کویت اردو نیوز : امریکا کی مشہور جڑواں بہنیں ایبی اور برٹنی کا ایک جسم اور دو سر ہیں جنہوں نے 3 سال قبل ایک امریکی فوجی سے شادی کی تھی۔
عالمی خبر رساں ادارے کے مطابق امریکی جڑواں بہنوں ایبی اور برٹنی نے 2021 ء میں خفیہ طور پر امریکی فوجی جوش بولنگ سے شادی کی تھی تاہم اس کی تصدیق اب ان کی سوشل میڈیا پروفائل فوٹوز سے ہوئی ہے ۔
ایبی اور برٹنی کی پیدائش 1990 ء میں ہوئی تھی۔ڈاکٹر نے بتایا تھا کہ سرجری کے دوران بچیوں کے زندہ رہنے کے امکانات نہ ہونے کے برابر ہیں جس پر والدین نے جڑواں بچیوں کی سرجری نہ کرانے کا فیصلہ کیاتھا۔
ایبی اور برٹنی نے اپنی فیس بک پروفائل تصویر تبدیل کر دی ہے ، جس میں وہ عروسی لباس پہنے ہوئے ہیں اور جوش باؤلنگ گرے سوٹ میں ہیں ۔ تصویر میں وہ ایک دوسرے کو دیکھ رہے ہیں اور ایک دوسرے کے ہاتھ پکڑے ہوئے ہیں۔
واضح رہے کہ جوش بولنگ کی یہ دوسری شادی ہے اور وہ ایک بچی کے والد بھی ہیں۔
اس سے قبل بولنگ کے فیس بک پیج پر ایک مختصر ویڈیو کلپ شیئر کیا گیا تھا جس میں جوڑے کو اپنی شادی کے استقبالیہ میں رقص کرتےہوئے دیکھا گیا تھا ۔
خوش قسمتی سے 34 سالہ جڑواں بہنوں نے ایک دوسرے کے ساتھ رہنا سیکھ لیا ہے۔ دونوں کے پاس ڈرائیونگ لائسنس ہیں اور وہ امریکی ریاست مینیسوٹا کے ایک اسکول میں پڑھاتی ہیں۔
