کویت اردو نیوز : برطانوی حکومت نے ملک میں داخلے کی تعداد کو محدود کرنے کے لیے نئے قوانین متعارف کرائے ہیں۔
غیر ملکی میڈیا کے مطابق برطانیہ نے ملک میں آنے والے غیر ملکی افراد کی تعداد کو محدود کرنے کیلیے نئے قوانین متعارف کروا دیئے ہیں۔ نئے قوانین کے تحت فیملی ویزے اور برطانیہ آنے والے ہنرمد افراد کے لیے کم از کم تنخواہ کی شرط میں اضافہ کر دیا گیا ہے۔
ہنرمند کارکنوں کے برطانوی ویزے کے لیے تنخواہ کی حد 26 ہزار 200 سے بڑھا کر 38 ہزار 700 پاؤنڈ کر دی گئی ہے تاہم کم از کم تنخواہ کی حد کا اطلاق صحت اور سماجی نگہداشت اور اساتذہ وغیرہ پر نہیں ہوگا۔
برطانوی حکومت نے فیملی ویزے کے لیے کم از کم تنخواہ کی حد بھی 18,600 سے بڑھا کر 29,000 پاؤنڈ کر دی ہے۔
تاہم نئے قوانین کے تحت، سماجی نگہداشت کے شعبے میں کام کرنے والے افراد اب انحصار کرنے والوں کو برطانیہ نہیں لا سکیں گے۔
فیملی ویزا کے لیے کم از کم تنخواہ کی حد 2025 تک بڑھا کر £34,500 اور پھر £38,700 کر دی جائے گی ۔
یاد رہے کہ نئے قوانین کا اطلاق ویزا کی تجدید کے وقت فیملی ویزا رکھنے والوں پر نہیں ہوگا۔
