کویت اردو نیوز : طیارے میں جگہ نہیں ہے‘‘، یہ کہہ کر پی آئی اے 50 مسافروں کو جدہ ایئرپورٹ پر چھوڑ آئی ، جدہ سے مسافروں نے اسلام آباد آنا تھا لیکن پی آئی اے نے جگہ نہ ہونے کا کہہ کر 50 مسافروں کو بٹھانے سے انکار کردیا۔
قومی ایئرلائن کی پرواز پی کے 942 پچاس مسافروں کو لے کر جدہ ایئرپورٹ کے لیے روانہ ہوگئی، انتظامیہ کا کہنا ہے کہ طیارے میں جگہ نہیں تھی۔
جدہ سےعمرہ زائرین کو گزشتہ روز اسلام آباد میں پہنچنا تھا تاہم قومی ائیر لائن پی آئی اے کے عملے نے طیارے میں 50 مسافروں کی گنجائش نہ ہونے کا کہہ کر مسافروں سے معذرت کرلی۔
اطلاعات ہیں کہ فلائٹ میں زیادہ تر مسافر عمرہ زائرین ہیں جنہوں نے اعلیٰ حکام سے نوٹس لینے کا مطالبہ کیا ہے۔
پی آئی اے انتظامیہ کا کہنا ہے کہ طیارہ چھوٹا ہونے کی وجہ سے 50 مسافروں کو جدہ ایئرپورٹ پر چھوڑ دیا گیا۔ ترجمان کے مطابق مسافروں کو ہوٹل منتقل کر دیا گیا ہے جہاں انہیں ہوٹل میں تمام بنیادی سہولیات فراہم کی جا رہی ہیں۔ آج خصوصی طیارہ تمام مسافروں کو لے کر واپس آئے گا۔
