کویت اردو نیوز : ایمریٹس ایئرلائن نے دبئی سے دوبارہ آپریشن شروع کردیا ہے ، مسافروں کو نئی بکنگ کرنے کی ہدایت جاری کر دی گئی ۔
ایمریٹس ایئرلائن نے موسم کی غیرمعمولی صورتحال کے بعد دبئی انٹرنیشنل ایئرپورٹ سے اپنی پروازیں دوبارہ شروع کر دی ہیں۔
ایئر لائن نے صرف ان مسافروں کو ایئرپورٹ جانے کے لیے کہا ہے جن کی بکنگ کی تصدیق ہو چکی ہے۔ ایمریٹس کا کہنا ہے کہ ‘جن مسافروں کی پروازیں منسوخ ہوچکی ہیں وہ رابطہ کریں اور نئی بکنگ کریں۔’
ایئرلائن کیمطابق دبئی ایئرپورٹ پر2روز سے جاری تعطل کےباعث مسافروں کا رش ہے جس کے باعث پروازیں تاخیر کا شکار ہوسکتی ہیں۔ یو اے ای کی ایئرلائن نے مسافروں کو ہدایت کی ہے کہ وہ روانگی سے قبل ایئرپورٹ سے رابطہ کریں۔
یاد رہے کہ ایمریٹس ایئرلائن نے موسم کی غیرمعمولی صورتحال کے باعث دبئی سے پروازیں عارضی طور پر معطل کر دی تھیں جو دو روز بعد بحال کر دی گئی ہیں۔
