کویت اردو نیوز : یو اے ای میں مقیم غیر ملکی اپنے خاندان کے لیے اقامہ حاصل کر سکتا ہے۔
متحدہ عرب امارات میں فیملی اقامہ کے لیے نئی شرائط جاری کر دی گئی ہیں۔
متحدہ عرب امارات میں مقیم تارکین وطن کے لیے اپنے خاندان کے لیے اقامہ جاری کرنے کے لیے پیشے کی شرط ختم کر دی گئی ہے۔
غیر ملکی ویب سائٹ کے مطابق، شناخت اور شہریت کی وفاقی اتھارٹی نے نئی شرائط کے بارے میں کہا کہ "خاندان کی رہائش کے لیے، کم از کم آمدنی 4,000 درہم یا 3,000 درہم ماہانہ اور رہائش کا ثبوت پیش کرنا ضروری ہے۔”
"متحدہ عرب امارات میں رہنے والا کوئی بھی غیر ملکی اپنے خاندان کے لیے اقامہ حاصل کر سکتا ہے”۔
اتھارٹی نے مزید کہا کہ اگر اقامہ ہولڈر کا خاندان امارات میں عارضی انٹری ویزا (وزٹ ویزا) پر مقیم ہے تو اسے اقامہ میں تبدیل کرنے کی اجازت ہوگی۔
فیملی اقامہ کے لیے 18 سال سے زیادہ عمر کے تمام ممبران کا میڈیکل چیک اپ ضروری ہوگا۔ میڈیکل چیک اپ صرف تجویز کردہ طبی اداروں سے قابل قبول ہوگا۔
اقامہ کے لیے درخواست دینے کے لیے ای چینلز یا اتھارٹی کی ویب سائٹ بھی استعمال کی جا سکتی ہے۔
اقامہ میں تبدیلی کا طریقہ کار امارات میں داخل ہونے کے 60 دنوں کے اندر مکمل ہونا ضروری ہے۔
اس کے علاوہ فیملی اقامہ کے لیے گوگل اسٹور یا ایپل اسٹور پر ایپلی کیشن کے ذریعے بھی درخواست دی جاسکتی ہے۔
