کویت مہبولہ سے نکلنا ناممکن ہو گیا!

وزارت داخلہ کے تعلقات اور سلامتی کی عمومی انتظامیہ نے واضح کیا ہے کہ وزارت کے فیلڈ سیکٹرز نے مھبولہ کے علاقے سے کچھ تارکین وطن کی دوسرے علاقوں میں منتقل ہونے کی کوشش کے خلاف فوری طور پر کاروائی کرتے ہوئے انہیں اپنے مقامات پر واپس بھیج دیا گیا۔ سیکیورٹی میڈیا ڈیپارٹمنٹ نے بتایا کہ جن کمپنیوں نے اپنے کارکنوں کو مھبولہ سے باہر منتقل کرنے کی کوشش کی ان کی نشاندہی کی گئی اور ان کے خلاف قانونی اقدامات اٹھاتے ہوئے انہیں واپس جانے کا پابند کیا گیا۔ انتظامیہ نے مزید کہا کہ ملک بھر میں تعینات سیکیورٹی اہلکاروں کے ذریعہ تمام علاقوں کی نگرانی کی جا رہی ہے۔ وزارت کی جانب سے اس بات پر بھی زور دیا گیا کہ سب کو سب کے فائدے کے لئے ریاستی اداروں کی طرف سے کئے جانے والے حفاظتی اقدامات اور کوششوں پر عمل پیرا ہونا چاہئے۔ یاد رہے کہ مھبولہ کے رہائشی مھبولہ چھوڑ کر دوسرے علاقوں میں منتقل ہونا اس وقت شروع ہوئے جب حکومت کی جانب سے مھبولہ اور دیگر دو شہروں کو مکمل لاک ڈاؤن کرنے کی خبریں سوشل میڈیا پر گردش کرنے لگیں۔