کویت اردو نیوز 25 فروری: کویت بین الاقوامی ہوائی اڈہ کے حالیہ فیصلے کا تعلق تارکین وطن کی واپسی سے نہیں ہے: ڈائریکٹوریٹ جنرل سول ایوی ایشن
تفصیلات کے مطابق کویت بین الاقوامی ہوائی اڈہ کو 7 مارچ 2021 سے 24 گھنٹے آپریشنز جاری رکھنے کے لئے کھول دیا جائے گا تاہم ہوائی اڈہ کے کھلنے کا "ہائی رِسک ممالک” سے کوئی تعلق نہیں ہے۔ سول ایوی ایشن میں محکمہ ہوائی نقل و حمل کے ڈائریکٹر عبداللہ الراجی نے ایک سرکلر جاری کیا جس میں 7 مارچ سے 24 گھنٹے ہوائی اڈے کا کام جاری رکھنے کا فیصلہ لیا گیا۔ نیشنل ایوی ایشن سروسز (NAS) کمپنی کے ڈاریکٹر کو مطلع کرتے ہوئے عبداللہ الراجی نے کہا کہ "ہم آپ کو بتانا چاہیں گے کہ کویت بین الاقوامی ہوائی اڈے کو 7 مارچ 2021 سے 24 گھنٹے کی بنیاد پر چلانے کا فیصلہ کیا گیا ہے۔آپریٹنگ کمپنیوں کو بتایا گیا ہے کہ وہ ہمیں سلاٹ میں تبدیلی کے لئے درخواستیں فراہم کریں۔
اس تناظر میں ڈی جی سی اے کے ذرائع نے واضح کیا کہ حالیہ فیصلے کا "اعلی خطرہ” کے درجہ بندی والے ممالک سے مسافروں کی واپسی کے لئے تجارتی پروازوں کے دوبارہ آغاز سے کوئی تعلق نہیں ہے جس سے یہ ظاہر ہوتا ہے کہ اس طرح کے فیصلے وزراء کونسل کے اختیارات میں آتے ہیں اور کونسل ہی اس حوالے سے فیصلہ لینے کی مجاز ہے۔
دریں اثناء ڈاریکٹریٹ جنرل سول ایوی ایشن کے سربراہ شیخ سلمان الحمود نے گذشتہ روز کویت بین الاقوامی ہوائی اڈہ پر آنے والے مسافروں کے لئے ادارہ جاتی قرنطین کے اقدامات کے نفاذ کے منصوبے پر کام کی پیشرفت کی جانچ کرنے کے لئے وزارت داخلہ کے مرکزی آپریشن روم کا معائنہ کیا۔
