جزوی کرفیو شروع ہونے سے پہلے کویت کی سڑکوں پر زبردست ٹریفک جام

کویت اردو نیوز 07 مارچ: جزوی کرفیو کے باعث کویت کی سڑکیں اس وقت زبردست ٹریفک اور لوگوں کے ہجوم کا سامنا کر رہی ہیں۔

تفصیلات کے مطابق وزراء کونسل کی جانب سے کورونا وائرس کے پیش نظر ملک میں جزوی کرفیو نافذ کر دیا گیا ہے جس کا اطلاق آج 07 مارچ شام 05 بجے سے صبح 05 بجے تک ہو گا اور جزوی کرفیو کا یہ سلسلہ ایک ماہ جاری رہے گا۔ متعدد شہریوں اور رہائشیوں نے پابندی عائد ہونے سے قبل اپنے گھروں کو جانے کے لئے زبردست ہجوم کے بارے میں شکایت کی۔

گوگل نقشہ جات نے دکھایا کہ کویت کی بیشتر سڑکیں اور مرکزی سڑکیں سرخ ہیں جو بڑی بھیڑ کی نشاندہی کر رہی ہے۔