کویت اردو نیوز 16 مارچ: وزارت صحت نے اعلان کرتے ہوئے طلباء کو ستمبر سے اسکولوں کا رخ کرنے کے انکشاف کر دیا ہے جبکہ اساتذہ کا کورونا ویکسین لینا لازمی قرار دیا گیا ہے۔
روزنامہ الرای کی رپورٹ کے مطابق وزیر صحت ڈاکٹر باسل الصباح نے اعلان کیا ہے کہ مختلف مراحل میں طلبا کی اسکولوں میں واپسی نئے تعلیمی سال کے آغاز کے ساتھ ہی ستمبر میں ہوگی جس سے یہ ظاہر ہوتا ہے کہ تمام اساتذہ اور منتظمین اگلے ماہ سے کورونا ویکسین وصول کریں گے۔
کویتی اسکاؤٹس ایسوسی ایشن کے وفد سے ملاقات کے دوران وزیر صحت نے کویتی عوام سے صحت کے تحفظ کے لئے ویکسین لینے کی اپیل کی۔ انہوں نے بتایا کہ ابھی تک 400،000 عمر رسیدہ افراد کو ویکسین دی جا چکی ہے۔ سول سروس میں رجسٹرڈ کویتوں اور رجسٹریشن کرنے والوں کو بھی ویکسین دی گئی ہے جبکہ تقریبا ایک چوتھائی بالغ افراد کے ساتھ ساتھ عمر رسیدہ غیر ملکی افراد کو بھی کورونا ویکسین دی جا چکی ہے۔
انہوں نے ذکر کیا کہ ہم ویکسی نیشن کا عمل جاری رکھے ہوئے ہیں اور عید الفطر کی آمد کے ساتھ ہی ایک ملین افراد میں آگاہی پیدا کی جائے گی جبکہ اگلے ستمبر تک آگاہی کے اس ٹرن آؤٹ میں اضافے کے ساتھ ہم 20 لاکھ افراد تک پہنچ جائیں گے۔ ستمبر سے اسکولوں کے دوبارہ کھلنے کے بعد معمول کی زندگی میں واپسی ہوگی اور ساتھ ہی ویکسین لینے والوں میں مزید اضافہ دیکھنے میں آئے گا۔
انہہوں نے بتایا کہ اپریل کے مہینے میں اساتذہ و انتظامیہ , کوپریٹو سوسائٹیوں ، ہیئر ڈریسروں اور بینکوں کے ملازمین سمیت تقریبا 1 لاکھ 20 ہزار افراد کو ویکسین دی جائے گی۔
