کویت میں جزوی کرفیو کے اوقات 08 اپریل سے تبدیل ہو جائیں گے

کویت اردو نیوز 07 اپریل: حکومت کے ترجمان طارق المزرم نے اعلان کیا ہے کہ ملک میں جزوی کرفیو 8 اپریل کے بعد بھی جاری رہے گا۔

8 اپریل سے شروع ہوکر 22 اپریل تک رہنے والا جزوی کرفیو شام 7:00 بجے سے صبح 5:00 بجے تک رہے گا۔ اس سے قبل گذشتہ ماہ حکومت نے 8 اپریل تک شام 6:00 بجے سے صبح 5:00 بجے تک کرفیو کا اعلان کیا تھا۔

انہوں نے وضاحت کی کہ رمضان کے مہینے میں جزوی کرفیو کے دوران ریستوران ، کیفے اور فوڈ مارکیٹنگ مراکز کو شام 7 بجے سے صبح 3 بجے تک کام کرنے کی اجازت دی جائے گی۔ انہوں نے یہ بھی کہا کہ شام 7 بجے سے رات 10 بجے تک بغیر کسی کار استعمال کیے رہائشی علاقوں میں چہل قدمی کی اجازت ہوگی۔

انہوں نے سب کو صحت سے متعلق کنٹرول کے اقدامات پر عمل پیرا ہونے کی بھی تاکید کی۔