کویت اردو نیوز 05 مئی: امیر الکویت شیخ نواف الاحمد الصباح نے قوم سے خصوصی خطاب کیا۔
تفصیلات کے مطابق امیر الکویت شیخ نواف الاحمد الصباح قنے آج قوم سے خصوصی خطاب کیا۔ خطاب کے دوران شیخ نواف الاحمد نے ملک کی سلامتی و استحکام کے لئے مضبوط عزم کا اظہار کیا۔ امیر الکویت نے کہا کہ ہمارا ملک کویت ہمارے کندھوں پر ایک بڑی ذمہ داری ہے اور ہم کسی کو بھی اس کی سلامتی اور استحکام کو خراب کرنے کی اجازت نہیں دیں گے۔
امیر الکویت شیخ نواف الاحمد نے کہا کہ "کویت ہماری ذمہ داری ہے اور جو ہمارے قومی اتحاد کو نقصان پہنچانے کے مقصد سے بدنیتی پر مبنی مواد کی اشاعت کرکے اس کی سلامتی اور استحکام کو نقصان پہنچائے گا ہم اس کا یہ عمل برداشت نہیں کریں گے۔ اس انمول وطن کے استحکام کو برقرار رکھنے کے لئے ہمارے آباؤ اجداد نے کئی قربانیاں دیں اور ہم اللہ کی رضا کے مطابق اس کی حفاظت کا فریضہ انجام دیتے رہیں گے۔ اس قوم کے حقوق و فوائد کا دفاع اور اس کی صلاحیتوں کے تحفظ ہماری اوالین ذمہ داری ہے۔
رمضان المبارک کے آخری دس دنوں کے موقع پر امیر الکویت نے عوام سے خطاب کرتے ہوئے اس بات پر زور دیا کہ ریاستی حکام اور اداروں کے مابین اتفاق کسی بھی کامیاب قومی عمل کی بنیاد ہے۔ جمہوری نقطہ نظر کی پاسداری پر ہم اتفاق کرتے ہیں۔ دنیا بھر میں تناؤ کے دوران ہم جرم یا الزام تراشی کے بغیر پر سکون اور بامقصد مکالمہ کرنے کے لئے پرعزم ہیں تاکہ ہمارے قومی عدم استحکام کو نقصان پہنچانے کے منتظر بیٹھے لوگ کسی منفی موقع سے محروم رہیں۔ ہم سب کو سوشل میڈیا پلیٹ فارمز پر نشر ہونے والی افواہوں کے مقابلہ میں کھڑے ہونے اور پوری حقیقت کو جاننے کے لئے درستگی تلاش کرنے کی ضرورت ہے۔ اللہ تعالی سے دعا ہے کہ وہ ہمارے پیارے ملک کی سلامتی کو محفوظ رکھے۔
امیر الکویت نے مزید کہا کہ "ہم سب نے ایک سال سے زیادہ غیر معمولی حالات کے ساتھ زندگی بسر کی ہے اس وائرس نے تمام عالمی سطحوں کو متاثر کیا ہے۔ ہمیں وائرس سے بچنے کے لئے احتیاط سے کام لینے کی ضرورت ہے اور معاشی عدم استحکام سے نمٹنے کے لئے زیادہ فہم اور صبر کی ضرورت ہے۔
اپنے خطاب میں شیخ نواف الاحمد نے کہا کہ "اس سلسلے میں میں فرنٹ لائن پر کام کرنے والے اپنے بھائیوں اور بیٹوں اور کام کرنے والے تمام کارکنوں ، شہریوں اور تارکین وطن کو زبردست خراج تحسین پیش کرتا ہوں۔ انہوں نے اس پورے دور میں اپنے کاندھوں پر عظیم ذمہ داری اٹھائی اور اس وائرس کا مقابلہ کرنے لئے اپنی جانوں کو خطرے میں ڈالا۔
انہوں نے کہا کہ "ان بابرکت راتوں میں ہم اپنے مرحوم امیر شیخ صباح الاحمد الجابر الصباح کو بڑے فخر کے ساتھ یاد کرتے ہیں۔ خدا ان کی روح کو سکون عطا فرمائے۔ خدا سے دعا ہے کہ وہ اس کی رحمت کی وسعت عطا فرمائے۔ اللہ ہماری عبادتیں اور ہمارے روزے قبول کرے۔ ہمارے وطن کو محفوظ رکھے اور سلامتی اور مزید ترقی و خوشحالی کو برقرار رکھے ، اور ہمارے نیک شہداء پر اپنا خاص رحم فرمائے۔