کویت اردو نیوز 27 جون: رواں سال 2021 میں دنیا میں سب سے زیادہ درجہ حرارت ریاست کویت کا ریکارڈ کیا گیا ہے۔
رپورٹ کے مطابق کویت کے علاقے نویصیب میں 53.2 ڈگری سینٹی گریڈ ریکارڈ کیا گیا جو دنیا بھر میں گرم ترین درجہ حرارت ہے۔ امریکہ کے El Dorado جو درجہ حرارت کے اعداد و شمار جمع کرتا ہے کے مطابق کویت میں رواں سال کے دوران دنیا کا سب سے زیادہ درجہ حرارت ریکارڈ کیا گیا۔کویتی شہر نویصیب میں 53.2 ڈگری سینٹی گریڈ ریکارڈ کیا گیا جو اس سال اب تک کا دنیا کا سب سے زیادہ درجہ حرارت ہے۔ دریں اثنا ایران میں اہواس اور الامیدیہ میں 50.1 ڈگری سینٹی گریڈ ریکارڈ کیا گیا جبکہ کویت کے علاقے الجھرا میں 49.7 ڈگری سینٹی گریڈ ریکارڈ کیا گیا۔
روزنامہ الرای کی رپورٹ کے مطابق ایک ماہ سے بھی کم عرصے میں یہ دوسرا موقع ہے جب اعلی سرکاری درجہ حرارت کے لحاظ سے کویت دنیا کے شہروں میں سرفہرست ہے۔ 5 جون کو کویت اور قطری شہر دوحہ دنیا بھر کے 143 دارالحکومتوں کی فہرست میں سرفہرست رہے اور سب سے زیادہ درجہ حرارت ریکارڈ کیا گیا۔
ناروے کے وقت اور تاریخ کی ویب سائٹ جو آب و ہوا اور موسم کی ماہر ویب سائٹ ہے کے مطابق کویت اور دوحہ میں 48 ڈگری سینٹی گریڈ ریکارڈ کیا گیا۔