کویت اردو نیوز05 جولائی: نیشنل پٹرولیم کمپنی KNPC نے پیٹرول کی قیمتوں میں اضافہ کردیا جس کا اطلاق رواں ماہ 07 جولائی 2021 سے ہو گا۔
تفصیلات کے مطابق ڈیزل، پریمیم اور خصوصی پٹرول کی قیمتوں میں استحکام جبکہ "الٹرا 98” کی قیمت میں 10 فلس کا اضافہ کردیا گیا ہے۔ نیشنل پٹرولیم کمپنی KNPC ملک کی پہلی پیٹرولیم کمپنی کو یکم جولائی سے مقامی مارکیٹ میں ایندھن (پٹرول، ڈیزل ، اور کیروسین) کی قیمتوں کو 3 ماہ کی مدت تک مستحکم کرنے کی ہدایات جاری کی گئی ہیں۔ ریاست کی جانب سے وزارت خزانہ کو فراہم کی جانے والی مختلف اقسام کی سبسڈیز کا دوبارہ جائزہ لینے کے لئے ایک کمیٹی کے ذریعہ منظوری دی گئی ہے۔ الاولی فیول کمپنی نے ایندھن کی قیمتوں کا انکشاف کرتے ہوئے کہا کہ
الٹرا 98″ کی قیمت 165 فلس کی بجائے 175 فلس ہو گی جس میں الٹرا 98 آکٹین کی قیمتوں میں ایڈجسٹمنٹ شامل ہے۔ الٹرا 98 کی قیمت 7 جولائی سے 165 فلس کی بجائے 175 فلس فی لیٹر ہوگی۔ کویت نیشنل پٹرولیم کمپنی میں تیل کے سرکاری ذرائع نے بتایا کہ خصوصی "سپر” اور پریمیم پٹرول کے یومیہ استعمال کے مقابلے میں الٹرا 98 آکٹین (پٹرول) کا استعمال کم ہوتا ہے۔ روزانہ کی بنیاد پر کویت کی الٹرا پٹرول کی کھپت میں 78،000 سے 173،000 ہزار لیٹر روزانہ ہوتا ہے جو دیگر اقسام کے ایندھن کے مقابلے میں بہت کم ہے۔ ملک میں پٹرول کی کل کھپت 12 سے 13 ملین لیٹر یومیہ ہے۔ پریمیم کی کھپت 8.5 ملین لیٹر تک پہنچتی ہے جبکہ سپر یومیہ 4 لاکھ لیٹر تک پہنچ جاتا ہے۔
کویت میں پٹرول کی قیمتوں میں اضافے کے کابینہ کے فیصلے کے بعد اگست 2016 سے کھپت کے اعدادوشمار میں بدلاؤ دیکھنے میں آیا کیونکہ پیداواریوں کے درمیان قیمتوں میں تضاد کی وجہ سے پٹرول کی کھپت سپر سے پریمیم پر منتقل ہوگئی جبکہ لگژری یا ریسنگ کے مقاصد کے لئے استعمال کرنے والوں کا ایک چھوٹا طبقہ کویت میں موجود ہے اور ان تین مہینوں میں الٹرا کی قیمتوں میں اضافے کے بعد کھپت میں کمی متوقع ہے۔ دوسری جانب وزارت خزانہ کے ذریعہ فراہم کردہ ریاستی سبسڈی پر ازسرنو جائزہ لینے کے لئے کمیٹی نے 7 جولائی سے 30 ستمبر تک الٹرا پٹرول کی فی لیٹر قیمت میں 165 فلس کی بجائے 175 فلس تک اضافہ کیا ہے جبکہ دیگر ایندھن (ممتاز، سپر) کی قیمتوں میں کوئی تبدیلی نہیں کی گئی ہے۔
