کویت اردو نیوز 05 اگست: ٹریفک اور آپریشنز سیکٹر کی سخت سیکیورٹی مہم جاری، ٹریفک قوانین میں غفلت برتنے والے 9 تارکینِ وطن کو ملک بدر کردیا گیا۔
تفصیلات کے مطابق ٹریفک اور آپریشنز سیکٹر نے ٹریفک سیکورٹی مہم کو مزید سخت کردیا ہے تاکہ غفلت برتنے اور سنگین خلاف ورزیوں کے مرتکب افراد کے خلاف قانونی کارروائی کی جاسکے۔ اس مہم کے نتیجے میں 28،092 حوالہ جات (مخالفے) جاری کئے گئے جن میں 141 گاڑیاں اور 56 موٹرسائیکلیں ضبط کی گئیں۔ 62 خلاف ورزی کرنے والوں کو جنرل ٹریفک ڈیپارٹمنٹ کے حوالے کیا گیا۔ 12 نابالغوں کو جوڈیشل پراسیکیوشن کے حوالے کیا گیا جبکہ سیکورٹی و عدالتی حکام
کو مطلوب 12 گاڑیاں ضبط کی گئیں اس کے علاوہ 8 سزا یافتہ افراد کو گرفتار کیا گیا۔ ذرائع نے بتایا کہ 9 تارکین وطن کو بغیر لائسنس کے ڈرائیونگ کرنے پر گرفتار کیا گیا تھا اور انہیں ڈی پورٹیشن سینٹر کے حوالے کردیا گیا ہے۔
جنرل ٹریفک ڈیپارٹمنٹ کے لیے کام کرنے والے شعبہ تعلقات عامہ اور ٹریفک آگاہی کے شعبے کے افسر میجر عبداللہ بوہسان نے کہا کہ ٹریفک آپریشنز کے جاری کردہ ہفتہ وار اعدادوشمار کے شعبہ نے بتایا کہ حولی گورنریٹ ٹریفک ڈیپارٹمنٹ پہلے نمبر پر ہے اس کے بعد فروانیہ گورنریٹ دوسرے احمدی گورنریٹ دوسرے الجہرا گورنریٹ تیسرے جبکہ آخر میں مبارک الکبیر گورنریٹ ہے۔
عبداللہ بوہسان نے مزید بتایا کہ ایمرجنسی پولیس کی جنرل ایڈمنسٹریشن نے گذشتہ ہفتے کے دوران 640 سیکورٹی آپریشن کیے اور 1،155 ٹریفک حوالہ جات ریکارڈ کیے گئے ، 34 ٹریفک حادثات ، شناختی کاغذات نہ رکھنے پر 45 افراد کو گرفتار کیا گیا ، 8 مارکٹائی اور جھگڑے کے کیس نمٹائے گئے جبکہ تین منشیات کے عادی افراد کو گرفتار کیا گیا۔
