عذر کی وجہ سے اعتکاف نہ کرنا گناہ نہیں

کویت اردو نیوز : کسی نے علماء کرام سے سوال کیا کہ ہم نے اپنی مسجد کو تعمیر نو کے لیے شہید کیا تھا، جس کی وجہ سے کوئی شخص رمضان میں مسجد میں اعتکاف نہیں کرسکتا تھا، کیا اس پر کوئی گناہ ہوگا؟

علماء کرام نے جواب دیا کہ رمضان کے آخری عشرہ کا اعتکاف سنت مؤکدہ علی الکفایہ ہے۔ سنت مؤکدہ علی الکفایۃ کا مفہوم یہ ہے کہ محلے کے تمام لوگ ایک شخص کی ادائیگی سے بری ہو گئے۔”سنت کفایہ، اس کی ایک مثال نماز تراویح باجماعت ادا کرنا ہے۔ اس کے ترک کرنے میں ان کا قصور نہیں ہوگا اور اگر اعتکاف صحیح سنت تھا تب بھی سنت ترک کرنے کا گناہ واجب کے ترک کرنے سے کم ہوگا (جلد 3، ص 383)

بہتر ہوتا کہ مسجد میں خیمہ لگا کر کسی کو اعتکاف کے لیے بیٹھنے دیا جاتا، لیکن اگر محلے میں اور بھی مساجد ہیں جن میں اہل محلہ نے اعتکاف کیا ہے تو کافی ہے۔ علماء کرام کے مطابق : ایسی مسجد میں اعتکاف جہاں پانچ وقت کی نماز باجماعت ادا کی جائے تو (اعتکاف کی) نیت سے ٹھہرنا ضروری ہے، چنانچہ ایسی مسجد جہاں نماز باجماعت ادا نہ کی جائے، اعتکاف درست نہیں (جلد 2،صفحہ 373-374)’۔

اگر اس کے آس پاس دوسری مساجد ہوں جہاں نماز باجماعت ادا ہوتی ہو تو ایسی صورت میں با جماعت مسجد میں اعتکاف کرے۔ عذر کی وجہ سے کسی مسجد میں اعتکاف نہ ہوسکا اور اسی محلے کی کسی اور مسجد میں اعتکاف کیا گیا ہے تو یہ اعتکاف پورے محلے سےحرج اٹھانے کے لیے کافی ہے۔