کویت اردو نیوز : سعودی ولی عہد محمد بن سلیمان نے اسلام آباد کے بعد کراچی کے جناح انٹرنیشنل ایئرپورٹ پر روڈ ٹو مکہ منصوبے کو فوری شروع کرنے کا حکم دے دیا۔
اس سلسلے میں دو رکنی سعودی وفد نے جناح انٹرنیشنل ایئرپورٹ کا تفصیلی معائنہ کیا۔ سول ایوی ایشن اتھارٹی کے ذرائع کے مطابق سعودی قونصلیٹ جنرل دورہ کرنے والے سعودی وفد کے ہمراہ تھے۔
قائم مقام ایئرپورٹ منیجر نے سعودی وفد کو بریفنگ دی اور وفد کو کراچی کے جناح انٹرنیشنل ایئرپورٹ پر روڈ ٹو مکہ منصوبے کے آغاز کے لیے ایئرپورٹ لاؤنجز کا معائنہ کرنے کی دعوت دی۔
وفاقی حکومت کے متعلقہ حکام کے مطابق روڈ ٹو مکہ پراجیکٹ کے تحت کراچی سمیت سندھ بھر سے آنے والے عازمین حج کی امیگریشن اور دیگر تمام ضروری ضروریات جناح انٹرنیشنل ایئرپورٹ پر پوری کی جائیں گی اور یہاں سے کلیئر ہونے والے عازمین حج کو روانہ کیا جائے گا۔
جدہ ایئرپورٹ اور مدینہ ایئرپورٹ پر امیگریشن کے ایک طویل عمل سے گزرے بغیر اپنی ٹرانسپورٹ کے ذریعے براہ راست رہائش گاہوں پر جا سکیں گے ۔
اس سے قبل اسلام آباد ایئرپورٹ پر روڈ ٹو مکہ منصوبہ کامیابی سے شروع ہو چکا ہے۔
سعودی وفد نے ایئرپورٹ سیکیورٹی فورس، فیڈرل انویسٹی گیشن ایجنسی، کسٹمز حکام سمیت سول ایوی ایشن اتھارٹی کے حکام سے ملاقاتیں کیں۔
سعودی وفد کی پروسیسنگ کی ضروریات اور طریقہ کار کا تعین کرنے کیلیے تکنیکی ٹیم کے ساتھ ایک میٹنگ بھی کی گئی۔
کراچی ایئرپورٹ پر عازمین حج کیلیے سعودی امیگریشن سہولیات کو چند روز میں حتمی شکل دے دی جائے گی۔
