سعودی عرب کے بارے میں ہسپانوی کھلاڑی کا انوکھا تبصرہ

کویت اردو نیوز : "یہ ایک خوشگوار حیرت ہے اور اس قسم کا واقعہ سعودی عرب کے علاوہ کہیں نہیں ہو سکتا”۔ یہ الفاظ ہیں ہسپانوی شہر القدسیہ سے تعلق رکھنے والے فٹبالر الفارو گونزالیز کے، جنہیں کئی ماہ قبل کھویا ہوا پرس دوبارہ مل گیا۔

مشہور فٹ بال کھلاڑی کے بٹوے میں ان کی تمام اشیاء موجود ہیں جو آٹھ ماہ قبل ان کے پرس کے گم ہوجانے پر پرس میں موجود تھیں ۔

گونزالیز ایک 34 سالہ ہسپانوی فٹبالر ہے جو سعودی فرسٹ ڈویژن لیگ میں القدسیہ کلب کے ساتھ سینٹر بیک کے طور پر کھیلتے ہیں ۔

انہوں نے اپنے دوستوں اور پیروکاروں کو مخاطب کرتے ہوئے کہا کہ میرے دوستو، یہ میرا پرس ہے جو مجھے آٹھ ماہ بعد واپس ملا کیونکہ میں نے سوشل میڈیا پر پیغامات چیک نہیں کیے تھے۔

انہوں نے کہا کہ "یہ میرا پرس ہے، اس میں میرے تمام پیسے اور دیگر چیزیں ہیں۔ یہ حیرت انگیز ہے۔ یہ کہیں اور نہیں ہو سکتا۔ اسی لیے میں آپ کو اس کے بارے میں بتا رہا ہوں۔ میں آپ سے پیار کرتا ہوں۔”