کویت اردو نیوز 14 فروری: کویت کی کابینہ نے ریاست کویت میں کورونا وبا کے نتیجے میں وبائی امراض کی صورتحال میں تازہ ترین پیش رفت پر وزیر صحت کی طرف سے دی گئی وضاحت کو سنا جس میں اعداد و شمار کے مطابق متاثرین کی تعداد میں کمی دیکھی جا رہی ہے، الحمدللہ
وزراء کی کونسل نے صحت کے تقاضوں کے اطلاق میں تعاون کرنے پر تمام شہریوں اور رہائشیوں کا شکریہ ادا کیا اور ان کی تعریف کرتے ہوئے ہر ایک سے اپیل کی کہ وہ وبائی امراض کے پھیلاؤ کو روکنے کے لیے نرمی نہ برتیں۔ صحت کے اس غیر معمولی بحران سے نمٹنے کے لیے وزیر صحت کی قیادت میں طبی، تکنیکی اور انتظامی عملے سمیت وزارت صحت کے تمام کارکنوں کی جانب سے کی گئی زبردست کاوشیں جو کہ اللہ تعالیٰ کے فضل و کرم کے ساتھ بہتری میں معاون ثابت ہوئیں۔
وزراء نے ملک میں صحت کی صورتحال کا جائزہ لینے اور ایک عام اور محفوظ زندگی کی طرف منتقلی کے آغاز کے اشارے، اللہ تعالی سے دعا کرتے ہیں کہ وہ کویت اور اس کی سرزمین پر رہنے والوں کو ہر قسم کے برے وقت سے محفوظ رکھے۔
کابینہ نے آج اپنے اجلاس کے دوران کورونا وبائی امراض کی وجہ سے سفری پابندیوں میں نرمی کی، اتوار 20 فروری سے نافذ ہونے والے کونسل کے فیصلوں میں مندرجہ ذیل فیصلے شامل ہیں:
مکمل ویکسین شدہ افراد (وہ افراد جو کویت سے منظور شدہ ویکسین کی دو خوراکیں اور بوسٹر خوراک بھی حاصل کر چکے ہیں یا انہیں ویکسین کی دو خوراکیں لگوائے 09 ماہ سے زیادہ عرصہ نہیں ہوا) کے لئے پی سی آر ٹیسٹ اور ہوم قرنطینہ کو منسوخ کر دیا گیا ہے۔ دوسری جانب نامکمل ویکسین شدہ افراد (وہ افراد جن کو ویکسین کی دو خوراکیں لئے 09 ماہ گزر چکے ہیں مگر اس کے باوجود وہ بوسٹر خوراک حاصل نہیں کر پائے) کے لئے بھی کویت آمد پر پی سی آر ٹیسٹ کو منسوخ کر دیا گیا ہے تاہم ایسے افراد کو کویت آمد پر 7 دن کے لئے خود کو قرنطینہ کرنے کا پابند کیا گیا ہے جو منفی پی سی آر ٹیسٹ کے ساتھ ختم ہو گا۔
ایسے افراد جنہوں نے حفاظتی ویکسین نہیں لگوائی انہیں کویت داخل ہونے سے پہلے ایک منفی پی سی آر ٹیسٹ لانے کی ضرورت ہو گی جو ہوائی جہاز میں سوار ہونے سے 72 گھنٹے سے زیادہ نہ ہو، کویت آمد پر 7 دن کا ہوم قرنطینہ ہو گا جو کہ آمد کے ساتویں دن منفی پی سی آر ٹیسٹ کے ذریعے ہٹا دیا جائے گا۔
وزراء کی کونسل نے 16 سال سے کم عمر بچوں کو اپنے فیصلوں پر عمل درآمد سے باہر رکھا۔ دوسری جانب گورنمنٹ کمیونیکیشن سینٹر نے ویکسین شدہ افراد، ریستوراں اور غیر ویکسین شدہ افراد کی وضاحت کے لیے پوائنٹس کا ایک سیٹ شائع کیا ہے جو مندرجہ ذیل ہے۔
