کویت اردو نیوز 26 جولائی: بیرونِ ملک پھنسے تارکینِ وطن وزارت صحت کویت کی جانب سے مختص کئے گئے پلیٹ فارم پر اپنے کورونا ویکسین کے سرٹیفکیٹ اپلوڈ کر رہے ہیں جن میں سے ہزاروں ویکسی نیشن سرٹیفکیٹ مسترد کردیئے گئے۔
تفصیلات کے مطابق 73،000 رجسٹرڈ تارکینِ وطن میں سے صرف 18،000 تارکین وطن کے سرٹیفکیٹ منظور کئے گئے ہیں۔ وزارت صحت کی تکنیکی کمیٹی کے ذریعے منظوری کے لئے بیرون ملک غیرملکیوں کے کوویڈ19 ویکسینوں کی جانچ پڑتال اور منظوری کے لئے وزارت صحت MOH پلیٹ فارم پر تارکین وطن کے ذریعہ اپلوڈ کردہ سرٹیفکیٹس میں تیزی سے اضافہ ہو رہا ہے۔کمیٹی سرٹیفکیٹ کی منظوری کو تیز کرنے کے لئے اپنی کوششیں تیز کرنے کے لئے کوشاں ہے جو غیر ملکیوں کو کویت واپس آنے کی اجازت دینے کے لئے سب سے اہم شرط ہے۔ ذرائع نے بتایا کہ کمیٹی روزانہ کی بنیاد پر وزارت کی ویب سائٹ پر ہزاروں سرٹیفکیٹس کو منظور اور مسترد کرتی ہے۔ تقریبا 73،000 غیرملکیوں نے اپنے ویکسین کے سرٹیفکیٹ اپ لوڈ کردیئے ہیں جن میں
سے 18،000 سرٹیفکیٹ کی منظوری دے دی گئی ہے جبکہ 10،000 ویکسی نیشن سرٹیفکیٹ متعدد وجوہات کی بناء پر مسترد کردیئے گئے ہیں۔ مسترد ہونے والے سرٹیفیکیٹس تکنیکی وجوہات، ڈیٹا کو مکمل نہ کرنے یا جاری کرنے والے اتھارٹی کی تصدیق کے لئے کیو آر کوڈ موجود نہ ہونے کی سبب پر ہی مسترد ہوتے ہیں۔
ویکسی نیشن سرٹیفکیٹ کی منظوری کے لئے مندرجہ ذیل دئیے گئے اقدامات پر عمل درآمد کرنا ہو گا:
وزارت صحت کی ویب سائٹ پر سرٹیفکیٹ ڈاؤن لوڈ پلیٹ فارم پر رجسٹر ہوں۔ https://vaxcert.moh.gov.kw/SPCMS/PH/CVD_19_Vaccine_External_Registration.aspx
ای میل کے ذریعہ ایکٹیویشن کا خصوصی کوڈ حاصل کریں۔ویکسی نیشن سرٹیفکیٹ اپلوڈ کریں اور دو ویکسین ڈوز اور ان سے متعلقہ ڈیٹا بھریں۔ ای میل کے ذریعہ وزارت صحت کی طرف سے جواب کا انتظار کریں۔ منظوری کی صورت میں "Immunity” کی ایپلی کیشن ڈاؤن لوڈ کریں اور اسے ویکسی نیشن کی حیثیت کا اسٹیٹس ظاہر کرنے کے لئے فعال کریں۔انکار کی صورت میں اسی ملک میں ویکسی نیشن سرٹیفکیٹ جاری کرنے والے اتھارٹی کا جائزہ لیں۔
