دبئی سے اسلام آباد جانے والا مسافر دوران پرواز ہارٹ اٹیک سے جاں بحق

کویت اردو نیوز،20جولائی: دبئی سے اسلام آباد آنیوالا مسافر دوران پرواز ہارٹ اٹیک سے انتقال کر گیا۔

تفصیلات کے مطابق ترجمان سول ایوی ایشن کا کہنا ہےکہ مسافر ملک جہانزیب پی آئی اے کی پرواز پی کے دو سو بارہ کے ذریعے اسلام آباد آرہا تھا لیکن لینڈنگ سے کچھ دیر پہلے مسافر کو دل کا دورہ پڑا جو تقریبا جان لیوا ثابت ہوا، اس واقعہ کی کپتان نے اے ٹی سی کو فورا اطلاع دی۔

جہاز لینڈ ہوتے ہی سول ایوی ایشن کے ڈاکٹر نے طبی معائنہ کے بعد موت کی تصدیق کی۔ مذکورہ 34 سالہ مسافر کا تعلق ایبٹ آباد سے تھا جسکی نعش اہلیہ کے حوالے کردی گئی