کویت اردو نیوز 27 مارچ: بین الاقوامی کیبل سائٹوں پر ہنگامی ٹیموں کا کام جاری ہے۔
کویت کی سرکاری خبر رساں ایجنسی KUNA کی رپورٹ کے مطابق پبلک اتھارٹی برائے مواصلات اور انفارمیشن ٹکنالوجی کویت کا کہنا ہے کہ اتھارٹی کے بین الاقوامی رابطوں کے محکمہ کی ہنگامی ٹیمیں سائٹ پر موجود ہیں اور کیبلز کی مرمت کا کام جاری ہے۔آج بروز ہفتہ صبح دس بجے ملک میں مواصلاتی خدمات کی معطلی منظر عام پر آئی جس کا سبب نواصیب اور سالمی کے علاقوں میں روڈز پر جاری تعمیراتی کام تھا جس کے نتیجے میں مواصلاتی کیبلز متاثر ہوئے اور ملک میں 60 فیصد انٹرنیٹ خدمات معطل ہوگئیں۔
اتھارٹی میں بین الاقوامی رابطوں کے شعبہ کے ڈائریکٹر جمال صادق نے آج بروز ہفتہ کویت نیوز ایجنسی کو بتایا کہ کویت کی وزارت خدمات کی ایمرجنسی ٹیم اور کیبلز کی مرمت کے لئے منظور شدہ کنٹریکٹرز کے مابین مشترکہ ہم آہنگی جاری ہے اور آنے والے چند گھنٹوں کیبلز کی مرمت مکمل ہوجائے گی۔
جمال صادق نے مزید کہا کہ کیبل کاٹنے کا کام متعدد سمتوں میں ہوا تھا پہلا ام الہیمن اور بارڈر سنٹر نواصیب کے درمیان، دوسرا ام الہیمن اور الزور کے مابین تقسیم کنندہ ، اور تیسرا جہراء اور بارڈر سنٹر سالمی کے مابین جس کی وجہ سے تین مختلف مقامات سے مکمل طور پر بین الاقوامی کیبل سسٹمز متاثر ہوگیا ہے۔
اتھارٹی میں مواصلات کے شعبے کے سربراہ فہد الفہد نے بتایا کہ آنے والے عرصے میں ملک میں ایک نیا مقامی کیبل سسٹم قائم کیا جائے گا جس سے مستقبل میں خدمات کی معطلی سے بچنے کے لئے اقدامات کئے جائیں گے مخصوص اوقات میں نیٹ ورک (انٹرنیٹ) کے دباؤ کو کم کرنے کی کوشش کی جائے گی۔
پبلک اتھارٹی برائے مواصلات اور انفارمیشن ٹکنالوجی 2014 میں قائم کیا گیا تھا جو ٹیلی مواصلات کے شعبے کی نگرانی اور صارفین اور خدمات فراہم کرنے والوں کے مفادات کے تحفظ اور ملک میں تمام ٹیلی مواصلات کے نیٹ ورکوں کی خدمات کو اعلی کارکردگی کے ساتھ منظم کرنے کے لئے ذمہ دار ہے۔