کویت: مساجد میں نماز قیام سے متعلق وزارت اوقاف کی اہم ہدایات جاری

کویت اردو نیوز 01 مئی: وزارت اوقاف کی جانب سے کویت کے 6 گنجان آباد علاقوں میں "قیام” کرنے سے مناہی کی ہدایت جاری جبکہ اس کی ادائیگی کا دورانیہ 30 منٹ تک محدود کر دیا گیا ہے۔

تفصیلات کے مطابق وزارت اوقاف و اسلامی امور نے رمضان المبارک کے آخری عشرے میں مساجد میں نماز قیام کے لئے چند تدابیر کا اعلان کیا جس میں سب سے نمایاں علاقوں حولی ، النقرہ ، میدان حولی ، سالمیہ ، جلیب الشیوخ اور مھبولا کے گنجان آباد علاقوں میں نماز قیام کی ممانعت ہو گی۔

مساجد سیکٹر کے لئے وزارت اوقاف کے اسسٹنٹ سیکرٹری کے ذریعہ جاری کردہ انتظامی سرکلر اور رمضان کے آخری دس دنوں میں مساجد میں نماز کے قیام سے متعلق گورنریٹس کی مساجد کے انتظامیہ کے ڈائریکٹرز کو ہدایت جاری کی گئی ہے۔ یہ فیصلہ صحت کی اتھارٹی کے تقاضوں کے مطابق دعائے نماز کی ادائیگی اور عوامی مفاد کی ضروریات کی بنیاد پر لیا گیا ہے جس میں مندرجہ ذیل بندشیں شامل ہوں گی۔

1. مساجد میں صحت سے متعلق صحت کے تقاضوں پر عمل پیرا ہوتے ہوئے فتویٰ کمیشن کے جاری کردہ فتوی کے مطابق مردوں کو مساجد میں نماز قیام ادا کرنے اور اس کا دورانیہ 30 منٹ تک محدود کر کے ادا کرنے کی اجازت ہو گی۔
2. اعلی کثافت (بھیڑ بھاڑ) والے 06 علاقوں حولی، النقرہ، میدان حولی، سالمیہ، جلیب الشیوخ، مھبولہ میں نماز قیام ادا کرنے کی اجازت نہیں ہو گی۔
3. قیام نماز آدھی رات کے بعد رات 12 بجے شروع ہو گی۔
4. اوپر بیان کئے گئے علاقوں میں موجود تمام مساجد کے علاوہ نماز قیام ان تمام مساجد میں ادا کی جائے گی جہاں نماز تراویح پڑھائی جاتی ہے۔
5. مردوں کے لئے مساجد میں نماز عشاء کے فورا بعد 15 منٹ کے لئے نماز تراویح پڑھائی جائے گی۔ مساجد میں فی الحال صحت کی ضروریات نافذ ہیں۔
6. ہر نماز کے بعد مساجد کو بند کرنا ، اعتکاف ، لیکچرز ، اسباق اور دیگر سرگرمیوں کی ممانعت بدستورجاری رہے گی۔
7. مساجد میں داخلہ صرف مردوں تک ہی محدود ہے جبکہ خواتین اور بچوں کو مساجد جانے کی اجازت نہیں ہو گی۔
8. ماسک پہننے، ذاتی جائے نماز کا استعمال اور نمازیوں کے مابین جسمانی فاصلے کا خاص خیال رکھا جائے گا۔
9. مساجد میں سحری اور افطاری ٹیبل کے قیام کی ممانعت ہو گی۔
10. کوروناوائرس ویکسین وصول نہ کرنے والے افراد کو گھر میں نماز ادا کرنے کی ترغیب دی گئی ہے۔
11. بزرگ ، دائمی بیماریوں کے شکار افراد اور مدافعتی افراد کو اپنے گھروں میں قیام کی نماز ادا کرنے کی ہدایت کی گئی ہے۔
12. مساجد کے اندر عمومی صفائی کو برقرار رکھنا ، وینٹیلیشن ، وقفے وقفے سے صفائی ستھرائی اور ہر نماز کے بعد بار بار چھوئے جانے والی سطحوں کو صاف کرنا ان تدابیر میں شامل ہے۔