کویت اردو نیوز 14 جنوری: نئے سال 2022 کے آغاز سے 11 دنوں کے دوران 607 غیرملکیوں کو ملک بدر کر دیا گیا جبکہ ایک شہری کو سزائے موت کی سزا سنا دی گئی۔
روزنامہ الانباء کی خبر کے مطابق فوجداری عدالت نے گزشتہ اپریل میں کبد میں ایک شخص کو چاقو کے وار کر کے قتل کرنے کے جرم میں مجرم کو پھانسی کی سزا سنائی ہے۔ روزنامہ نے مزید کہا کہ مقتول کی لاش سیکورٹی اہلکاروں کو کبد جمعیہ کے پیچھے کھڑی اس کی گاڑی کے اندر سے ملی۔ فرانزک رپورٹ میں بتایا گیا کہ اس شخص کو سینے میں وار کیا گیا تھا جس کی وجہ سے مقتول موقع پر ہی دم توڑ گیا۔ قتل کے بعد ملزم نے مبینہ طور پر خود کو پولیس کے حوالے کر دیا تھا۔ اطلاعات کے مطابق ملزم کے والد نے واقعہ کے بعد متعلقہ پولیس اسٹیشن کو بتایا کہ اس کے بیٹے نے اس شخص کو قتل کرنے کی کوئی وجہ بتائی۔ دوسری خبر میں روزنامہ الانباء کی رپورٹ کے مطابق
اصلاحی اداروں کی جنرل ایڈمنسٹریشن، جلاوطنی اور عارضی گرفتاری کے امور کے محکمہ کے جاری کردہ اعدادوشمار کے مطابق جنوری 2022 کے پہلے 11 دنوں میں 340 مرد اور 267 خواتین کو ملک سے ڈی پورٹ کیا گیا جس سے ملک بدر کئے جانے والوں کی مجموعی تعداد 607 ریکارڈ کی گئی۔ وزارت داخلہ کے شعبہ تعلقات عامہ اور سیکیورٹی میڈیا نے ایک پریس بیان میں کہا ہے کہ یہ اقدامات سیکیورٹی اسٹیبلشمنٹ کی جانب سے قانون کی خلاف ورزی کرنے پر گرفتار کیے گئے افراد کے خلاف فوری قانونی اقدامات کرنے اور انہیں ملک بدر کرنے کے لیے کام کو تیز کرنے کے دائرے میں آتے ہیں۔
