کویت اردو نیوز 30 مارچ: کویت وزارت داخلہ میں تعلقات عامہ اور سیکیورٹی میڈیا ڈیپارٹمنٹ کے ڈائریکٹر جنرل بریگیڈیئر جنرل توحید الکندری نے رمضان المبارک کے لیے سیکیورٹی پلان کا انکشاف کرتے ہوئے کہا ہے کہ
سیکیورٹی اہلکار نمازیوں کی حفاظت، ٹریفک کو منظم کرنے اور مارکیٹوں میں سکیورٹی کو برقرار رکھنے کے لیے تعینات کیے جائیں گے۔ ایک مقامی عربی روزنامے کو دیے گئے ایک خصوصی بیان میں الکندری نے کہا کہ پہلے نائب وزیراعظم اور وزیر داخلہ، ریٹائرڈ لیفٹیننٹ جنرل شیخ احمد النواف اور وزارت کے انڈر سیکرٹری لیفٹیننٹ جنرل انور البرجاس نے ہدایات جاری کیں جن میں رمضان المبارک کے بابرکت مہینے میں سیکیورٹی کی تعیناتی کی ضرورت، مساجد اور عبادت گاہوں میں نمازیوں کی حفاظت کے لیے ان کی عبادات کو ہر طرح کے سکون کے ساتھ ادا کرنے اور ٹریفک گشت کی تقسیم، مرکزی سڑکوں، ملک بھر کے بازاروں اور
مالز میں عوامی تحفظ اور ہنگامی گشت فراہم کرنے کے علاوہ ٹریفک کو منظم اور سہولت فراہم کرنے کے لیے ہدایات جاری کی گئی ہیں۔ انہوں نے مزید کہا کہ اس منصوبے میں رہائشی امور کے اہلکاروں کی تعیناتی، رہائشی قانون (اقامہ) کی خلاف ورزی کرنے والوں پر نظر رکھنے، بھیک مانگنے سمیت
کسی بھی منفی رجحان کی نگرانی کرنا، انہیں گرفتار کرکے ملک بدر کرنا اور ان کے کفیلوں کے خلاف مقدمہ درج کرنا شامل ہے۔ الکندری نے ہر ایک سے پرعزم رہنے اور سیکیورٹی فورسز جو ملک میں شہریوں اور رہائشیوں کی حفاظت کو یقینی بنانے خاص طور پر بازاروں جیسے علاقوں میں جھگڑوں یا دیگر غیر قانونی طریقوں کو روکنے کے لیے تعاون کرنے کی اپیل کرتے ہوئے اختتام کیا۔
