کویت اردو نیوز 19 جنوری: ملک میں نئے کرونا وائرس کوویڈ 20 کے دو معاملات کا انکشاف ہوا ہے۔ وزارت صحت کے ترجمان ڈاکٹر عبداللہ السند نے آج بروز منگل اعلان کیا کہ برطانیہ سے آنے والی دو خواتین کویتی شہریوں کا پی سی آر ٹیسٹ کیا گیا جس کے نتیجے سے پتہ چلا کہ دونوں خواتین نئے کرونا وائرس کا شکار ہیں۔
تفصیلات کے مطابق السند نے ایک بیان میں واضح کیا کہ روانہ ہونے والے ملک میں دونوں خواتین شہریوں کے پی سی آر ٹیسٹ کے نتائج منفی تھے لیکن جو پی سی آر امتحان وزارت صحت کی ٹیموں کے ذریعے ریاست کویت کے ہوائی اڈے پر آمد کے بعد لیا گیا تھا اس سے ثابت ہوا کہ وہ اس وائرس سے متاثر ہیں۔ وہ وائرس کے حالیہ جینیاتی تغیر سے متاثر ہوئی ہیں تاہم امتحان کے نتائج کی روشنی میں صحت سے متعلق احتیاطی اور حفاظتی تدابیر اختیار کی گئیں ہیں اور وبائی تحقیقات کے تمام اقدامات اٹھائے گئے ہیں۔
انہوں نے مزید کہا کہ وزارت اپنے شہریوں اور رہائشیوں سے تمام صحت کی ضروریات پر عمل پیرا ہونے کی درخواست کرتی ہے۔ ناک اور منہ کو ڈھانپ کے رکھیں، ہاتھوں کو مسلسل جراثیم کش صابن سے دھویں اور جسمانی فاصلہ برقرار رکھیں۔ ہمیں ایک دوسرے کی حفاظت کرنی ہے خاص کر بڑی عمر کے افراد اور کمزور دائمی بیماریوں سے دوچار لوگ کو اس وائرس سے بچانا ہے۔
ڈاکٹر السند نے مختلف مواقعوں پر اجتماعات سے اجتناب کرنے کی ضرورت پر زور دیتے ہوئے کہا کہ کوڈ 19 ویکسین وصول کرنے کے لئے عوام وقف شدہ ویب سائٹ پر پہلے سے اپوائنٹمنٹ کی درخواست کے اندراج شروع کردیں۔