کویت اردو نیوز 15 جولائی: کویت کی وزارتِ صحت نے کوویڈ 19 اموات کی شرح کو 85 فیصد کم کرنے والی ویکسین کی پہلی کھیپ وصول کرلی۔
تفصیلات کے مطابق وزارتِ صحت نے Sotrovimab ویکسین کی پہلی کھیپ وصول کرلی جو 85 فیصد کوویڈ اموات کو کم کرنے میں مدد دیتی ہے۔ وزارت صحت نے "GSK” گلیسکو اسمتھ کلائین سے نئی شفا بخش ویکسین "Sotrovimab” کی پہلی کھیپ وصول کرلی ہے کیونکہ طبی مطالعے سے یہ بات ثابت ہوگئی ہے کہ درمیانی درجے یا معتدل علاج معالجے کے لئے استعمال ہونے پر یہ ویکسین کوویڈ 19 کے سبب ہونے والی اموات میں 85 فیصد کمی کرنے میں مددگار ثابت ہوتی ہے۔ امریکی فوڈ اینڈ ڈرگ ایجنسی کی منظوری کے بعد کویت نے
نئی "GSK” ویکسین کے لئے اپنی منظوری جاری کی تھی جس سے کویت کے مریض دنیا بھر کے ان افراد میں شامل ہوجائیں گے جنہوں نے اس ویکسین دواؤں تک رسائی حاصل کی اور اس کے علاج سے شفایاب ہوئے۔ وزارت صحت برائے میڈیسن اینڈ میڈیکل آلات امور کے اسسٹنٹ سکریٹری ڈاکٹرعبداللہ البدر نے کہا کہ "ہماری سائنسی اور ریگولیٹری ٹیمیں نئے موثر اور محفوظ علاج اور حفاظتی ویکسین کی تلاش میں ہیں تاکہ Covid19 کا مقابلہ کرسکیں۔
انہوں نے مزید کہا کہ وزارت صحت GSK کے ساتھ ٹریٹمنٹ پروٹوکول پر کام کر رہی ہے جو معلجین کی رہنمائی کرے گی اور خطرے سے دوچار مریضوں کی شناخت میں مدد کرے گی اس کے علاوہ اس بات کو یقینی بنائے گی کہ مریضوں کو نئی ویکسین Sotrovimab فراہم کی جائے۔
