کویت اردو نیوز 09 ستمبر: کویت کی قومی ائیرلائن کویت ایئر ویز نے 11 نئی منزلوں پر پروازوں کی واپسی کا اعلان کیا ہے۔
تفصیلات کے مطابق کویت ایئرویز کارپوریشن نے اعلان کیا ہے کہ اس کی تجارتی پروازوں نے بھارت ، پاکستان ، بنگلہ دیش اور سری لنکا کے 11 مقامات پر اپنا کام دوبارہ شروع کر دیا ہے۔ اس سلسلے میں روزنامہ القبس نے شعبہ تعلقات عامہ اور میڈیا کے ڈائریکٹر فیاض العنزی کے حوالے سے بتایا کہ ان 11 مقامات پر ہوائی آپریشن فضائی ٹریفک کی آہستہ آہستہ معمول پر آنے کے فریم ورک کے اندر آتے ہیں۔ انہوں نے کہا کہ کوویڈ 19 وبائی بیماری کے پھیلنے کے بعد ان مقامات پر آپریشن بند کر دیا گیا تھا۔انہوں نے مزید کہا کہ
ہندوستان ، پاکستان ، بنگلہ دیش اور سری لنکا کویت ایئر ویز کے لیے سب سے اہم مقامات میں سے ہیں کیونکہ تعلیم ، کاروبار ، سیاحت ، گھریلو ملازمین، مزدوری یا دیگر تمام طبقات کے مسافروں کی زیادہ مانگ انہی ممالک سے ہے۔ یہ بات قابل غور ہے کہ کویت ایئر ویز نے جون کے وسط سے موسم گرما کے کئی مستقل مقامات جیسے لندن ، سرایوو ، پیرس ، جنیوا ، میونخ ، فرینکفرٹ ، ترابزون ، بوڈروم ، تبلیسی ، مالاگا اور قاہرہ کے لیے آپریشن شروع کیا تھا۔
