کویت اردو نیوز 28 جنوری: کویت سے بذریعہ زمینی راستہ عمرہ جانے والے غیرملکی زائرین کے لئے عمرہ پیکج کی نئی قیمتوں کا تعین کر دیا گیا۔
تفصیلات کے مطابق کویت میں حج اور عمرہ دفاتر کے ذمہ دار ذرائع نے غیر ملکیوں کو زمینی راستے سے عمرہ کرنے کی اجازت دینے کا فیصلہ جاری ہونے کے پیش نظر تارکین وطن کی طرف سے موسم میں بہتری آنے کے بعد زمینی راستے سے عمرہ کی مانگ میں اضافے کا انکشاف کیا ہے۔ عمرہ آفس کے متعدد عہدیداروں نے روزنامہ الانباء کو بتایا کہ زمینی راستے سے عمرہ کی واپسی کی اجازت کورونا وبائی امراض کے پھیلنے کی وجہ سے طویل عرصے تک بندش کے بعد آئی ہے۔ بذریعہ زمینی راستہ عمرہ کے اخراجات سے متعلق بات کرتے ہوئے انہوں نے بتایا کہ زمینی راستے سے 10 دن کے سفر کا پیکج 135 دینار فی شخص سے شروع ہوتا ہے جس میں تقریباً 6 راتیں مکہ میں
اور 2 راتیں مدینہ منورہ میں گزاری جاتی ہیں۔ انہوں نے اس بات پر زور دیا کہ ڈبل روم کے لئے عمرہ پیکج کی لاگت 135 دینار سے شروع ہو کر 160 دینار فی شخص جبکہ سنگل کمرے کی لاگت 195 دینار تک پہنچ جاتی ہے۔ یاد رہے کہ اگر زیارت کرنے والے کی جانب سے کمپنی کے بیان کئے پیکج کے علاوہ زائد سہولیات کا مطالبہ کیا جاتا ہے تو اس پیکج کی لاگت مزید بڑھ سکتی ہے۔
ماہرین نے بتایا کہ
زمین کے ذریعے عمرہ کے لیے "پیکیج” کی قیمتوں میں صرف ویزا کی قیمت شامل ہے جبکہ اس پیکج کی قیمت میں کھانے یا مطلوبہ پی سی آر ٹیسٹ کی لاگت زائرین کو خود برداشت کرنا ہو گی۔ انہوں نے مزید کہا کہ وزراء کی کونسل کے حالیہ فیصلے کے مطابق ملک میں آمد پر قرنطینہ ختم کرنے کی صورت میں آمد کے فوراً بعد پی سی آر ٹیسٹ کرانا عمرہ کی طلب کو بڑھانے میں معاون ثابت ہوگا کیونکہ یہ فیصلہ ایسی سہولیات فراہم کرتا ہے جو کہ کویت واپس آنے والوں کے قرنطینہ کو جلدی ختم کرنے اور اپنے روزمرہ کے کاموں کو انجام دینے کے قابل بناتا ہے۔
